Chapter 11: Waiting

Naikuyom ko ang kamao ko dahil sa kaba na baka hindi siya dumating. Gumapang ang pagkabalisa sa buong katawan ko habang matiyagang naghihintay sa kanya. Tatlong oras na ang nakalipas mula nang hindi siya sumipot sa oras na napagkasunduan namin, naghihintay ako sa labas ng aming mansyon para sa pagdating ng kanyang sasakyan.

Nakaramdam ng pananakit ang leeg ko dahil isang oras na itong nakataas at naghihintay para tingnan kung sino ang papasok sa malaking gate. Para akong aso na naghihintay sa pag-uwi ng may-ari niya. Nagpalinga-linga ang mga mata ko sa paligid dahil hindi ako mapakali sa kakaisip na baka may nangyari sa kanya, kaya wala pa rin siya.

"Nasaan ka?" Bulong ko habang maiiyak na ako. Nagsimulang tumulo ang mga luha sa gilid ng aking mga mata. Tumingala ako para pigilan ang mga namumuong luha dahil ayokong maging emosyonal ngayong gabi, pinaghandaan ko ang gabing ito, at ayokong umiyak dahil lang sa hindi siya dumating nang maaga gaya ng inaasahan ko.

"Maghihintay ako; baka