CHAPTER FIFTY SIX

AGAD akong napabalikwas ng bangon nang makitang madilim na sa labas. Hindi ko namalayan ang oras. Gaano na ba ako katagal natutulog?

Masakit man ang ulo gawa nang biglaang pagbangon ay hindi ko na iyon inisip pa. Baka kasi nandyan na sa labas si Jolo at nahihiya lang na gisingin o ipagising ako. Agad tuloy akong nakaramdam ng pananabik. 

Hindi man lang naman kasi ako ginising ni Lawrence. Nasayang tuloy ang ilang oras na sana ay nakapag-usap pa kami o hindi kaya'y nakapagbonding man lang kahit papaano ni Jolo. 

Pupungas-pungas akong tumayo at agad nagpunta sa pintuan ng kwarto. Mabilis ko ring pinihit ang doorknob at agad na lumabas dito. 

Inikot ko ang aking mga mata sa kabuuan ng penthouse ni Lawrence. Hinahanap ng mga mata ko si Jolo. 

Pero ganoon na lamang ang pagkakabagsak ng mga balikat ko nang tanging si Lawrence lang ang mamataan kong nanonood ng telebisyon sa sala. Siya lang mag-isa.  Nasaan si Jolo? 

"