CHAPTER SIXTEEN

"OKAY na ba lahat?" tanong ni Jolo na tinanguan ko agad. Mukhang maayos naman na dito sa kubo. Naigilid na namin ang mga pinaggamitan nila nanay Leoning sa pagluluto at paghahanda ng mga kinainan namin kanina. 

"Oo mukhang ayos naman na. Halika na bago pa dumilim," yaya ko sa kanya at nauna nang lumabas ng kubo. 

"Shella?" 

"Hmm?" saad ko ngunit ang atensyon ay nasa aking damit. Ngayon ko lang kasi napansin na manipis pala ito. Para tuloy akong nilalamig. 

"Don't you think masyadong makulimlim? Parang uulan?" sa tinuran ng binata ay agad akong napatingala para tingnan ang langit. 

Oo nga, medyo madilim ang kalangitan ngayon. Pero baka dahil lang iyon sa mag aala-sais na din kasi.

"Wala 'yan. Pahapon na din kasi kaya siguro dumidilim na. Tara na, bago pa tayo abutin ng gabi sa paglalakad pauwi," yaya ko na mabilis namang sinunod ng binata. 

Wala pa kami sa kalahati ng paglalakad nang bigla namang bumuhos a