Chapter Thirteen

13 — Again, My Heart Beats

Maliwanag na, halos hindi ko namalayan na inabot na ako ng umaga. Gising na gising pa rin ang diwa ko kahit pa pagod na pagod na ang katawan sa mga bagay-bagay na ginawa ko kahapon— sa opening na ginawa kahapon para sa shop na itinayo ko at kung anu-ano pa.

Maraming nangyari mula nang umuwi ako. Hindi ko na nga lang sana papansinin kaso nagkukusa pa rin silang bumalik para ipaalala sa akin ang mga nangyari. Kahit anong pilit kong patulugin ang sarili ay ayaw naman ng isip ko dahil hindi ko rin naman maawat ang sarili kong magnilay-nilay. Hindi lingid sa kaalaman ko na inabot na pala ako ng umaga. Tuluyan nang hindi ako nakatulog dahil sa mga bagay na bumabangabag sa akin magdamag.

Mariin kong ipinikit ang aking mga mata at hinayaan sila sa ganoong ayos hanggang sa lumipas ang ilang minuto. Saglit pa akong tumulala at tumingin sa kisame bago ako tuluyang bumangon.

Ganap nang ala-sais na ng umaga. Kahit na ayaw ko pang kumilos ay hindi pwede dahil nakalimut