Kabanata 4 - Doubt

Liana Maeve Guevarra’s Point of View

Napahilamos ako ng aking mukha. Matapos ang nangyari kanina sa cottage, pinili kong magkulong na lang sa room namin ni Calix.

Hindi ko kayang makita si Vaughn. Matapos naming gawin ’yon—ang maghalikan—paano ko pa siya haharapin? 

“Bakit ko ba siya hinayaan?” bulong ko, habang nakatitig sa kisame.

Kinagat ko nang mariin ang aking ibabang labi, at wala sa sariling napahawak sa aking leeg.

Hanggang ngayon, ramdam ko pa rin ang kamay ni Vaughn sa leeg ko. Maging sa katawan ko, parang hindi ko magawang kalimutan ‘yon.

Narinig ko ang pagbukas ng p***o, ngunit hindi ako gumalaw para lingunin siya. Nanatili lang ang aking mga mata sa kisame, at tinanggal ang aking kamay sa leeg ko.

“Iniisip mo ba kung paano ko hawakan ang leeg mo kanina, habang hinahalikan kita?” tanong nang isang pamilyar na boses.

Nanlaki ang aking mga mata, at mabilis na napaupo sa kama. Natagpuan ko si Vaughn na nanatiling nakatayo sa harap ng p***o, nakahilig ang kaniyang balikat sa p***o, at nakapamulsa, habang nakatingin sa akin.

“Bakit ka nandito?” gulat na gulat kong tanong, at sinulyapan ang bintana, tiningnan kung nakikita ba siya, ngunit hindi.

Ibinalik ko ang aking mga mata sa kaniya, at hindi maitago ang galit na namumuo sa aking puso. Naikuyom ko ang aking mga kamay sa ibabaw ng kama, at masama siyang tiningnan.

“Bawal?”

“Kuwarto namin ‘to ni Calix. May sarili ka namang kuwarto,” giit ko, at marahas na tumayo. “Paano ka nakapasok?”

“Dahil sa susi.”

“Pero kami lang ni Calix ang may susi sa kuwartong ‘to.”

Umangat ang sulok ng labi niya. Inilabas niya ang isang kamay sa bulsa, at ini-double lock ang p***o. Handa na sana siyang sigawan nang tumayo siya nang tuwid.

“Is that so?”

“Vaughn, lumabas ka—”

“Bakit ako aalis?” tanong niya, at dahan-dahang naglakad palapit sa akin.

Mabilis akong nagpunta sa bintana, at isinara ang kurtina nito para hindi siya makita ng kung sino.

Ano na lang ang iisipin nila? Nandito ang isa sa kaibigan ni Calix sa kuwarto namin. Alam nilang magkaaway kami, tapos makikita nila mula sa bintana na nandito siya?

Napalunok ako bago sinalubong ang tingin ni Vaughn.

“Ano ba ang gusto mo?”

“Gusto ko?” ulit niya, at tumigil sa paglalakad.

Tiningnan niya ako nang mariin, ngunit bumaba ang kaniyang mga mata sa aking kabuuan kaya nanigas ako sa aking kinatatayuan.

“Gusto kong hiwalayan mo siya,” sagot niya, at ibinalik ang mga mata niya sa akin.

“Bakit ko ba siya hihiwalayan? I love him—”

“Mahal ka ba?” tanong niya, at natawa nang pagak. “Hindi ka nga pinahahalagahan, tapos nagbubulag-bulagan ka pa.”

Natigilan ako sa kaniyang sinabi, hindi makapaniwala na lalabas sa kaniyang bibig ‘yon. Kaibigan niya si Calix, pero bakit ganito ang sinasabi niya sa akin ngayon?

May kailangan ba akong malaman?

“Tingin mo, tinutulungan ka talaga niya sa business ng mga magulang mo?”

Nagpatuloy siya sa paglalakad, mabagal, sapat na para magkaroon ako ng pagkatataong umatras.

Nanginig ang mga hita ko, habang paatras akong humahakbang. Ngunit nang maramdaman ko ang kurtina, at ang bintana sa aking likuran, natigilan ako. 

Dumampi ang kaniyang suot sa aking hita nang tumigil siya. Mas matangkad siya sa akin kaya napilitan akong tumingala, habang siya ay nakayuko nang bahagya para salubungin ang aking mga mata.

“O mas lalo niya ‘tong sinisira?”

Naalala ko ang tanong niya kanina sa swimming pool area, at hindi ko alam kung tama ba talaga ang narinig ko, o hindi.

Dirty work.

“Vaughn, hindi kita maintindihan!” singhal ko sa kaniya, at inilapat ang aking kamay sa kaniyang dibdib para sana itulak siya.

Ngunit bago ko pa ‘yon magawa, naramdaman kong pumulupot ang bisig niya sa baywang ko at hinila niya ako palapit sa kaniya. 

Halos tumama ang aking mukha sa kaniyang dibdib, pero dahil nakatingala ako, panga ko ang dumikit doon.

“Bakit mo ba ‘to ginagawa?” nahihirapan kong tanong, habang pilit iwinawaksi sa aking isipan ang kaniyang mamahaling pabango na nanunuot sa aking ilong. “Wala naman akong matandaan na may malaki akong kasalanan sa ‘yo.”

Hindi siya sumagot. Yumuko lamang siya, hanggang sa magdikit na ang aming mga ilong. Ramdam ko ang mainit niyang hininga na tumatama sa mukha ko, dahilan kung bakit nanlambot ako sa kaniyang bisig.

“I’m trying to help you, Liana,” bulong niya.

“Help?” hindi makapaniwala kong sambit, at sinubukan siyang itulak palayo sa akin, ngunit hindi siya natinag. “Hindi mo ako tinutulungan, Vaughn! Sinisira mo ang relasyon namin ni Calix, ng kaibigan mo!”

Humalakhak siya, bago ako mabilis na binuhat. Kaya ipinulupot ko ang aking mga bisig sa kaniyang leeg, habang ang aking mga hita ay awtomatikong pumulupot sa kaniyang baywang.

Nalaglag ang aking panga sa gulat, at nahigit ang aking hininga. Kahit kailan, hindi ako binuhat ni Calix nang ganito, pero si Vaughn, parang wala lang sa kaniya ang bigat ko.

“Sinisira ko ba? Hindi ko alam,” maang-maangan niyang wika, at nagsimulang maglakad.

“What are you doing? Ibaba mo ako, Vaughn!” sigaw ko, at hinampas muli ang kaniyang dibdib.

“Stop doing that. Sinasaktan mo lang ang sarili mo,” saad niya, at isinandal ang aking likod sa p***o.

Naramdaman kong dumidiin sa akin ang umbok niya kaya nanigas ako, at napatitig na lang sa kaniya.

“Can you feel that, Liana? Can you feel how hard I am for you, huh?” bulong niya, at dahan-dahang inilapit ang kaniyang mukha sa akin.

“Tumigil ka,” nanghihina kong wika, habang nakatitig sa kaniyang mga mata. “Mali ‘to.”

Umiling ako, at sinubukan siyang itulak muli. Ngunit bago ko pa magawa iyon, lalo niya akong inilapit sa kaniya. 

“Paanong mali?”

“Vaughn, may boyfriend ako! Ikakasal na rin ako—”

“Gusto ka ba talaga niyang pakasalan, Liana?” putol niya sa aking sasabihin, hanggang sa unti-unting umangat ang sulok ng kaniyang labi. “O may kailangan lang talaga siya sa ‘yo?”

“Huwag mong ginugulo ang isipan ko, Vaughn! Hindi ‘yan tatalab sa akin. Kaya ibaba mo ako, dahil mali ang ginagawa natin!” singhal ko sa kaniya, at hindi na napigilan ang sarili.

Ngunit imbes na sundin ang aking gusto, dahan-dahan siyang lumapit sa akin.

“Alam mong mali ‘to. Bakit hindi mo ako pinipigilan?” bulong ni Vaughn.