Chapter 6

Maingay. Kabi-kabilaang hiyawan ng mga tao. Isinisigaw ang kani-kanilang pambato.

Siksikan. Meron pang mga nagkakaapakan ng paa. Alam kong bawal na pero bumalik na naman ako dito. Hindi madaling iwan ang mga nakasanayan na, hindi tulad ng akala ko.

Desidido na ako dati na kapag nag-aaral na ako, hindi na ulit ako babalik dito at itutuon na lang ang buong atensyon ko sa pag-aaral. Akala ko kasi madali eh. Akala ko lang pala yun.

Alam ko dapat ay nasa meeting ako ng group namin dahil sabado ngayon. Pero mas pinili kong magpunta dito at magdahilan na lang sa kanila para lang matugunan ang kagustuhan ko.

Sinabi ko sa parents ko na may meeting kami, samantalang ang idinahilan ko naman kay Jerimiah ay masama ang pakiramdam ko kaya di ako makakapunta.

“Go Alpha, talunin mo yan. Hoooo!”

Pagchi-cheer ko sa pambato ko. Sa t