6

Ysa

Natapos ang hapunan nang maayos at matiwasay, walang muling nagbanggit pa tungkol sa boyfriend, kasal, at apo. Nakahinga ako nang maluwag.

"Have you already opened my gift for you?" tanong ni Kuya Devryck sa akin. Umiling ako; tinatamad pa akong magbukas ng mga regalo. Pagod na rin ako kaka-entertain ng mga bisita kanina.

"Where is it? Where did you put it? Buksan na natin?" Ngumiti ako at agad na iginiya si Kuya Ryck papasok sa loob kung saan ang mga gift na para sa akin.

"Open it," utos niya na agad ko namang sinunod. Nagulat ako nang makita ang laman: ang pinakabagong model ng iPhone, kasama ang smart watch at ang pinakabagong earpods. Ayaw kong magkwenta dahil baka himatayin ako.

"Kuya, this is too much. Ang mahal-mahal kaya nito," manghang-mangha kong sabi.

"Hindi naman. Huwag kang mag-alala, galing sa bulsa ko 'yan. Sa malinis na paraan 'yan galing," nakangiting sagot niya sa akin. Kilala siya bilang isang matapat na pulitiko, kaya naman naniniwala ako sa sinabi niya.

"Salamat talaga, Kuya. I super duper love it," sabi ko na ikinatuwa niya. Nakaupo kaming dalawa sa sofa. Sobrang natutuwa ako sa regalo niya. Dalawang taon na rin akong hindi nagpapalit ng telepono dahil maayos pa naman ang dati kong gamit. Kaya ngayon sobrang saya ko na may bago na akong phone.

"Try it," sabi niya. Excited naman na binuksan at sinet-up ko ang bagong phone. Pagkatapos, inilipat ko ang aking mga contacts.

"Thank you ulit, Kuya!" masayang sabi ko.

"Don't mention it," tipid na sagot niya, na may kasamang ngiti. Bihira lamang siyang magsalita lalo na kapag ako ang kausap. Kaya naman espesyal ang bawat ngiti at salita niya para sa akin ngayon.

Hindi na rin naman iyon masama lalo na sa uri ng trabaho niya, kailangan talaga niyang maging seryoso. Siya lang yata ang kilalang alkalde na sobrang gwapo at artistahin. Karamihan sa mga alkalde na kilala ko ay matatanda na at may pamilya na; ang iba ay namuti na lang ang buhok dahil sa paglilingkod.

Naisip ko na siguro'y binoto siya ng mga kababaihan sa bayan dahil sa taglay nitong kagwapuhan. Napatawa ako sa naisip ko.

Natapos ang gabi na puno ng saya ang bahay lalo na ako. Pumunta ang Kuya Devryck ko, ang mga kaibigan ko. Hanggang sa isa isa na ang mga ito na nagpa-alam. Ang pinakahuli ay sina Kuya Devryck at ang lolo nito.

"Sigurado po kayo na uuwi kayo? Mukhang mga lasing na po yata kayo, lo," saad ko na ikinatawa lang naman ni Lolo Luciano.

"Wag kang mag-alala, malakas pa naman itong Kuya Devryck mo, mataas rin ang tolerance sa alcohol kaya nasisiguro kong ligtas kaming makakauwi. Isa pa may driver naman kami, nandun pa sa loob nanliligaw yata sa mayor-doma ninyo dito sa bahay," biro pa nito.

Wala na akong nagawa nang magpaalam na ang mga ito. Ngunit bago ang mga ito umalis ay nakita kong naglakad palapit sa akin si Kuya Devryck. "Happy birthday again," sabi nito at binigyan ako ng mabilisang halik sa pisngi na ikina-init ng puso ko at ikinapula ng aking pisngi. "We're going," bulong nito bago ang mga ito nawala sa harapan ko.

Nakatulalang pumasok ako sa loob ng bahay. Namangha pa ang aking lolo ng makita niya ako na parang wala sa sarili.

"Apo, okay ka lang ba?" tumango lang ako sa lolo ko, bago maglakad papasok sa loob ng aking kwarto.

“Ahhhhhhh!!!!” Agad akong napatili. Hindi ko maintindihan ang nararamdaman ko ngayon dahil sa isang halik na iginawad sa akin ni Kuya Devryck.

"Hinalikan niya ako pisngi..." mahina kong bulong, habang patuloy pa rin sa malakas na pagtibok ang puso ko. pagkatapos ay napatili ulit ako. Saka lamang ako napatigil ng biglang tumunog ng sunod-sunod ang aking cellphone. Agad ko itong kinuha sa bulsa at tiningnan. Nakita ko na ang group-chat-call namin nila Chloe and Lea ang nandoon. Agad ko itong sinagot.

"Gosh! What happened to you, gurl? Bakit parang nangangamatis na sa pagkapula ang pisngi mo?" It was Chloe.

"Oo nga, bakit nga ba namumula 'yang chikabels mo, ha?" sigunda naman ng isa kong kaibigan na si Lea.

Nahihiya naman na napahawak ako sa sarili kong pisngi. ‘God, bakit ba naman ganito? Wala naman ang ganito sa akin noon kapag hinahalikan ako ng Kuya Devryck ko sa pisngi. Pero bakit ngayon parang kakaiba? Bakit parang may nararamdaman akong kakaiba na hindi ko mapangalanan.’

"Ewan ko, basta, ang weird ng feeling ko ngayon," sagot ko sa mga kaibigan ko. "Parang ang bilis ng tibok ng puso ko," dagdag ko pa.

"Hala, baka may sakit ka na sa puso?" sagot ni Chloe.

"Oo nga, kawawa ka naman," sigunda naman ni Lea.

"Mga baliw! Hindi ba pwedeng..." nabitin sa ere ang sasabihin ko. Nakita ko na naghihintay ang mga kaibigan ko sa sasabihin ko.

"Pwedeng ano?" naiinip na tanong ni Lea. "Dali na, may pa bitin ka pang nalalaman eh,"

"Oo nga!" segunda na naman ni Chloe.

"Wala. Wala 'yon," sagot ko na lamang. Ayaw kong sabihin ang totoong dahil baka makantyawan ako ng mga ito. Hindi pa naman matahimik ang mga bibig ng mga ‘yun, lalo na kapag may mga nasasagap silang balita. At panigurado na kapag sinabi ko ang nangyari kung bakit namumula ang pisngi ko ay baka hindi ako tantanan ng mga ito. Baka hindi ako patulugin kaka-interview.

"Ang kj mo naman!" sabay na sabi ng mga kaibigan ko. Napangiwi naman ako. Tumingin ako sa aking relo at nakita ko ang oras na medyo late na. Kailangan ko pang mag halt bath bago matulog.

"Oh sige na, usap na lang ulit tayo sa school. Matutulog na ako, at baka ma-late ako bukas sa pagpasok." saad ko.

"Sige, pero tandaan mong may utang ka sa amin. Wag mong kakalimutan, naiintindihan mo?" napatango na lang ako sa kakulitan ng aking mga kaibigan.

"Bye beshy-bushy! Good night!" sabay na sabi nina Lea at Chloe. Napailing na lang ako. Mukhang wala akong kawala kapag nagkita-kita kami.

Pagkatapos kong maligo, ay saka lamang ako nahiga sa kama. Ipipikit ko na sana ang aking mga mata ng marinig ko ang pag vibrate ng cellphone. Kinuha ko ito, at binuksan. Napatili na naman ako sa kilig ng makita ko ang message ni Kuya Devryck.

[From Kuya Devryck: Good night and happy birthday again.]

'Yon ang message nito na sinalihan pa ng hearts emojis.