Kabanata 15

Wala akong ibang nagawa kundi ang magpakawala ng isang malalim na hininga nang makita ko ang anak ko na nakayakap kay Arden habang nakahiga. My son was smiling ear to ear while hugging him.

Hindi ko maibigay ang aruga ng isang tunay na ama kay Aeon. Paaano ko magagawa na pati 'to ay ipagkait sa kaniya?

Katatapos ko maligo sa kuwarto ko at agad akong dumiretso rito sa kuwarto ng anak ko pagkatapos kong ayusin ang sarili ko.

Sabay na lumingon sa akin ang dalawa nang marinig nila ang pagbukas ng pinto dahil sa pagpasok ko.

“Mommy! Higa ka po sa likod ko!”

Nginitian ko ang anak ko habang papalapit sa kanila. Ramdam ko ang mga mata sa akin ni Arden ngunit hindi na ako lumingon sa kaniya.

Malaki ang kama ng anak ko. Kasya pa nga yata ang apat na tao. Dahan-dahan akong humiga sa kanang bahagi ng kama, sa tabi ni Aeon na nasa gitna.

Tumabi nga ako sa anak ko, pero kay Arden pa rin siya nakaharap.

Wala akong ibang nagawa kundi ang mag-scroll sa cellphone ko upang libangin ang sarili ko