CHAPTER 26: Fear and Lies

JANINA MARIE

Kasing bilis ng ipo-ipo na tinalon ni Xavier ang swimming pool. Nahimasmasan lamang ako sa labis na pagkatulala nang inilapag niya si Jude sa gilid ng pool at nagsimula na siyang magsagawa ng CPR procedure.

"Jude, anak," sabi ko habang hawak ko ang kamay niya.

Mga nagdarasal na tao ang makikita sa paligid. Ako man ay nagdarasal na rin kasabay ng pagtulo ng luha ko. Paulit-ulit kong tinawag ang pangalan ng aking anak.

Sa sobrang bilis ng mga pangyayari ay parang tumigil ang buong mundo. Blangko ang utak ko. Hindi ko alam kung paano na hindi ko nagawang tumalon agad. Kahit nga yata ang sumigaw ay hindi ko rin nagawa.

Umubo si Jude. Isinuka niya rin ang tubig na nainom niya. Umiyak din siya nang nakita niya ako. Nagdilim ang paningin ko. Parang dinudurog kasi pati ang himaymay ng laman ko dahil sa sobrang sakit na nararamdaman ko. Hindi ko kasi kinayang makita ang lagay ng aking anak.

Ngunit hindi nakalampas sa mga mata ko ang luhaang mukha ni Xavier habang yakap niya ang