Chapter 12

HINDI inaasahan ni Katrina na babalik si Darwin. Pinatago muna niya si Enrico sa ilalim ng kama bago niya binuksan ang pinto.

"I'm sorry, sweetie! Nakatulog ka na ba? Nakalimutan ko kasing sabihin kanina at mas maganda kung personal. Um, nagre-request kasi sina Mom and Dad na pumunta ka sa family gathering bukas ng gabi. Bonding na rin bago sila bibiyahe papuntang Germany. Okay lang ba sa iyo?"

Surpresa para kay Katrina ang sinabi ni Darwin. Wala sa loob niyang tumango at ngumiti.

"N-No problem! Oo, p-punta ako."

"Okay. Isasabay na kita right after your work tomorrow. Iyon lang naman ang nakalimutan kong sabihin. Sige, aalis na ako. Paginga ka na. Bye!" Kumintal pa ito ng halik sa noo niya.

Hindi na niya nabawi ang pag-sang-ayon niya. Pinalipas muna niya ang ilang minuto saka tinawag na lumabas si Enrico. Tiyak siyang narinig nito lahat ng usapan nila ni Darwin.

Nangusot ang mukha nito nang makalabas sa masikip na ilalim ng kama niya.

Napatingin kaagad siya rito. Seryosong napau