Chapter 14

MAAGANG nagising si Katrina dahil maaga siyang susunduin ni Darren. Halos magkasunod lang silang gumising ni Enrico.

"Gusto mo bang sumabay mag-breakfast sa akin?" tanong ni Enrico sa kaniya nang magsabay sila papuntang pinto.

Umiling siya. "Hindi na. May usapan kasi kami ni Darren na sabay kaming mag-almusal. Palagi namin iyon ginagawa bago pa man ako nahulog sa patibong n'yo."

Siya na ang naunang lumabas kahit ito ang bumukas ng pinto.

"Hindi yata maganda ang gising mo." Sinusundan siya nito.

Nakabihis na rin ng pangtrabaho si Enrico.

"Never mind me. I hope, mag-enjoy ka sa next meeting ninyo ng girlfriend mo."

Napangisi ito sa sinabi niya. Ni hindi niya ito malingon at tuloy sa paglalakad patungo sa hagdan pababa. Hindi na nila ginamit ang elevator kahit mayroon naman.

"Girlfriend? Si Joyce ba ang tinutukoy mo? We didn't talked last night. Ni hindi ko nga siya pinapasok kagabi. I have no time for a liar."

Saglit siyang natigilan pero hindi pa lumingon. Huminto rin ito, nasa likur