KABANATA 13

"H-indi po Montengero ang apelyido ko. Buenavista po ako," tanggi niya.

"Hindi ba? Akala ko ay Montenegro ka, Hija. Ma-berde berde kasi ang mga mata mo. Osya halika at pumasok ka na." Nilakihan pa nito ang bukas ng pinto.

Napalunok siya. Namanhid bigla ang mga binti niya at parang ayaw na lang tumuloy. Natatakot siyang malaman na kamag-anak niya ang ex-girlfriend ni Alaric.

Tumikhim siya at umiling nang marahan, "Hindi naman po ako magtatagal. Gusto ko lang po sanang itanong kung... nagtrabaho po ba kayo sa club dati?"

"Sa club? Nakahihiya man ay oo. Nakatrabaho ko pa nga si Estella. Aba'y noong isang araw may lalaking pumunta rito at pinaghahanap daw ng anak niyon—"

Sandali itong natigilan at napalingon sa kanya. Nanlalaki ang mga mata nitong nakatitig sa mga mata niya. Nailang siya dahil doon.

"Susmaryosep! Kamukha mo ang Nanay Estella mo at nakuha mo marahil ang mga mata mo kay Sir Michael," bulalas nito.

Nanlaki ang mga mata niya at maging ang ulo niya yata. Umawang ang mga labi n