CHAPTER 225

CHAPTER 225

“Po!? A-ano po ang ibig nyong sabihin?” tila naguguluhan pa rin na sabi ni Jillian.

Bahagya naman na natawa si Shirley sa naging reaksyon ng kanyang mga kasama roon.

“Ang sabi ko ay ito ang munting regalo ko para sa inyo. Nabanggit kasi sa akin ni Harold noon na nangungupahan lang nga raw kayo kaya heto… ang bahay na ito ay regalo ko na sa inyo,” pagpapaliwanag na ni Shirley sa mag ina.

Napaawang naman ang bibig ni Jillian dahil sa pagkabigla sa sinabi na iyon ng ina ni Harold.

“H-hindi nyo naman na po kami kailangang regaluhan pa. Sobra sobra na po ang naitulong nyo sa amin,” sagot ni Jillian sa ina ni Harold habang pigil niya ang sarili na maluha.

“O-oo nga naman, Shirley. Baka naman nabibigla ka lang. At isa pa ay hindi simple ang bagay na ito dahil alam ko na mahal ito,” sabat naman ng ina ni Jillian nq gulat na gulat din sa kanyang narinig.

Matamis naman na nginitian ni Shirley ang mag ina at saka niya hinawakan ang kamay ni Jillian.

“Magiging isang pamilya na tayo ka