The Secret Moves

"The Secret Moves"

Nang biglang may nagbukas ng ilaw sa living room.

Parang binuhusan ako ng isang malamig na tubig.

Para kaming napaso at kumalas sa isa't isa. Kumalas si Tristan mula sa pagkakayapos nito sa akin at tumayo ito ng tuwid.

"Stay here," utos nito sa akin at dagling tumalikod.

Pinamulahan ako, nag-iinit ang pisngi ko dahil sa hiya. Ibig ko nalang maglaho na parang bula.

"Oh God bakit ba kasi ako nagpapadala sa init ng katawan ko."

Marahas kong natampal ang sariling hita. Napasapo ako sa aking noo.

Maingat na bumaba ako sa pagkaka-upo sa ibabaw ng mesa at isa-isa kong hinagilap ang mga saplot ko sa sahig na nagkalat.

Kahit medyo, madilim sa gawing iyon pinilit kong ayosin ang sarili, pigil hiningang sinikap kong hindi man lang makagawa kahit kaunting kaluslos at ingay.

At sino naman kaya ang bumisita sa Villa ng ganitong oras?

Matamlay na napaupo ako sa sahig. Pasandal ko pinilig ang aking ulo sa dingding sabay pikit ng aking mga mata.

Hanggang kailan ba ako mananatili s