Chapter 2 - He Returned With Her

KATOK sa pinto ang nagpaangat ng tingin ni Selene, pumasok ang assistant nurse na may dalang clipboard. "Doktora, hindi pa po dumarating si Mrs. Cruz."

Tukoy nito sa patient niyang regular na nagpapa-consult. "Gano'n ba? Baka na-traffic lang or pakitawagan kung makakarating ba at baka nakalimutan na naman nitong may follow-up check up siya ngayon," utos niya.

Tumango ang nurse at tinawagan si Mrs. Cruz habang siya naman ay niligpit ang ibang record ng mga pasiyenteng natingnan na niya kanina.

Hindi bababa sa sampu ang sabay-sabay niyang inasikaso sa umaga lang na iyon kaya medyo nangangalalay na siya. "Lalabas muna ako," pahayag niya sa assistant matapos mag-inat ng katawan.

Lumabas siya ng opisina at naglakad patungo sa nurse station. Kapag, stress o pagod ang trabaho ay sumasagap siya ng tsismis, pampawala ng bagot.

"Good morning, Dok Selene," bati agad ng naka-assign na nurse.

Tipid na pagngiti ang tinugon niya, ipinatong ang dalawang braso sa counter sabay bulong, "May bago ba?"

Natawa ang dalawang nurse na naroon. "Hindi mo ba nabasa 'yung messages sa GC, Dok?" tanong ng isa.

Nagtaas siya ng kilay, halatang wala pang ideya sa sinasabi nito sabay kuha sa cellphone. "Hindi ko pa natsi-check, wait at—"

"Excuse me, I'm here for—"

Natigilan si Selene ng makilala ang babaeng lumapit at ganoon din ito. Hindi niya inaasahang makikita si Althea, girlfriend ng pinsan ng asawa.

"H-Hello, Ate," magalang nitong bati pero halata ang kaba sa boses at nautal pa nga.

"Hello, anong ginagawa mo rito? May check up, kaninong doctor?"

Napalunok ng laway si Athena sabay iwas ng tingin na ipinagtaka niya.

"May problema ba?" tanong niyang muli.

"W-Wala, Ate. May—"

"Nanggaling na 'ko sa office ni Doctor Romero pero wala siya ro'n."

Dahan-dahang lumingon si Selene sa likod ng marinig niya ang pamilyar na boses. Makailang ulit pa siyang kumurap upang siguraduhin na hindi siya namamalik-mata sa nakikita.

"Baka, umalis sandali…" patuloy pa nito ngunit nang mapansin si Selene ay agad na natigilan. "What are you doing here?"

Nahihiya naman tinakpak ni Athena ang mukha, pasilip-silip siya sa mukha ng mga nurse na naroon. Kulang na lang ay umiskapo siya sa lugar.

Nagtaas ng isang kilay si Selene, seryoso at walang kabuhay-buhay itong tiningnan. "Ikaw ang dapat kong tanungin, Lucien. Anong ginagawa mo rito, 'di ba't nasa New York ka? Kailan ka pa bumalik?"

Umiwas ng tingin ang asawa o tamang sabihin na tumagos ang tingin ito patungo kay Athena.

Kaya lumingon siya hanggang sa nagpalipat-lipat na ang tingin sa dalawa. "Hinahanap niyo si Doctor Romero. She's one of our gynecologist. So… buntis ka? Pa'no nangyari?"

Dahil sa pagkakaalam niya, mahigit isang taon nang nakakulong ang boyfriend nito dahil sa tax evasion.

Kumibot ang labi ni Athena. "H-Hindi, Ate. Nandito lang ako for regular check up," palusot pa, kahit halata naman sa mukha ang kaba.

Marahang tumango-tango si Selene, kunwari ay kumbinsido sa sinasabi nito. "Ahh… gano'n ba? Pero isinama mo pa ang asawa ko para sa regular check up mo? Ang sweet naman."

Ang dalawang nurse sa station ay biglang nagkatinginan sa isa't isa, nagbibigay ng makahulugang senyales at pagkatapos ay dahan-dahang naglakad paalis.

Nang maiwan na lamang silang tatlo roon habang may dumaraan na ibang staff at pasiyente ay hindi na nakapagpigil pa si Selene. "Limang taon kang hindi umuwi, pero hindi ko man lang alam na bumalik ka na. Tapos…" Sabay tingin kay Athena na nakatungo na ang ulo, tila ba nahihiyang tumingin sa kanya. "Malalaman kong sinamahan mo ang girlfriend ng pinsan mo sa—"

"Tama na, Selene. 'Wag mo 'kong pag-isipan ng kung ano. Wala kaming ginagawang masama ni Athena."

Napaismid si Selene, kung hindi lang sa kaalamang kung sino-sinong babae na ang na-involved rito ay baka paniwalaan niya pa ang asawa.

Gayon pa man, sa kabila ng namumuong poot dahil posibleng si Athena ang babaeng minamahal nito ay nanatili siyang kalmado. Hinding-hindi siya mag-e-eskandalo sa ospital na pinagtatrabahuan.

Ngunit hindi iyon nangangahulugang wala siyang gagawing aksyon. Harap-harapan siyang niloloko ni Lucien.

Kahit matagal na silang tapos, ay may karapatan pa rin siya bilang asawa. Tiningnan niya ito nang masama, handa nang ipamukha ang pagtataksil nito nang biglang dumating ang assistant.

"Dok Selene, on the way na po si Mrs. Cruz," nakangiti pa nitong sabi, pero ng mapansin ang dalawa pa nitong kasama ay biglang nagpalipat-lipat ang tingin, clueless sa nangyayari.

Huminga naman nang malalim si Selene, sa ngayon ay palalampasin na muna niya ang dalawa. "Thank you, I'm on my way." Matapos ay tinalikuran na ang mga ito at bumalik sa opisina.

Inaasahan pa nga niyang susundan siya ni Lucien matapos ang nangyari pero hindi naman. Sa palagay niya ay mas mahalaga si Athena kaysa sa kanya.

Pagpasok sa opisina ay naroon na ang pasiyente, na nginitian siya kaya ganoon din ang sinukli niya. Kahit wala na siya sa mood ay hindi niya pwedeng ipakita sa harap ng pasiyente dahil maaapektuhan din ito.

Pagkaupo niya sa swivel chair ay nakatanggap siya ng message mula sa asawa.

Lucien: We'll talk later.

Huminga siya nang malalim saka itinago ang cellphone. Sa araw na iyon ay nagpasiya siyang hindi umuwi sa bahay, bahala itong maghintay sa wala.

Samantala, matapos makapagpa-check up si Athena ay agad rin silang umalis sa ospital.

"Natandaan mo 'yung sinabi ng doctor? 'Di ka dapat magbuhat ng mabibigat. Mabuti na lamang at hindi ganoon kalala ang kondisyon mo," paalala ni Lucien.

Tumango si Athena pero mayamaya pa ay napatanong, "L-Lucien, sigurado kabang magiging okay lang ang lahat? Pa'no pala kung sugurin ako ni Selene?"

"Hindi ko hahayaang saktan ka niya, ni hibla ng buhok mo'y 'di niya mahahawakan," pagtiyak ni Lucien. "Sisiguraduhin kong safe kayo ng bata."

Napangiti si Athena, sabay hawak sa braso nito na may kasamang hagod. "Thank you."

Tumango lang si Lucien at pagkatapos ay inutusan na ang driver na magmaneho patungo sa condo ng dalaga para kunin ang mga gamit nito dahil simula sa araw na iyon ay lilipat na ito sa pamamahay niya.

Upang matiyak na magiging maayos ang pagbubuntis nito… Tungkol naman kay Selene, ay siya na ang bahalang magpaliwanag.