Chapter 16

AODIE

Kinabukasan, tahimik pa din ang paligid at wala halos nagsasalita sa aming lahat dahil na din siguro sa mga kasamahan naming nawala.

Kami naman ni Benjie ay hindi rin umaalis sa tabi ni Don Marcelino, kaming dalawa ang naging nurse n'ya habang hindi pa bumabalik si Cold.

"Ilan ang nalagas sa atin?" mahina kong tanong kay Benjie.

"Hindi ko pa alam, hindi ko pa natatanong kay Gio," tugon nito sabay kuha ng pamunas na nasa palanggana.

Ipinunas nito sa sarili n'ya ang towel sabay tingin sa akin.

"Nasabi ba ni Cold kung kailan s'ya babalik?" tanong nito.

"2 weeks daw s'yang mawawala, walang sinabi kung kailan ang eksaktong balik n'ya," saad ko sabay tingin sa labas ng kwarto ni Don Marcelino. "Kumuha ng pagkakataon ang traydor noong wala si Cold sa mansyon." usal ko sabay tingin sa kan'ya na seryoso pa ding nakatingin sa akin.

Magsasalita sana s'ya pero hindi natuloy dahil may kumatok.

"Aodie, Benjie, may ipapakilala ako sa inyo." may awtoridad na saad ni Gio.

"Sino?" tanong ni Benji