Chapter 39

Pinagmasdan ko ang singsing sa aking daliri. Mahigit isang buwan na ang nakakalipas simula nang isuot ito sa akin ni Mateo. 

Nang unang beses na dumantay ang singsing na ito sa aking daliri ay kakaibang saya ang dumaloy sa puso ko. Napakaromantiko ng oras na iyon para sa akin dahil sa harap ng Puong Maykapal ay binigkas ni Mateo ang mga katagang 'mahal kita'. 

Akala ko'y iyon na lamang ang aking maaalala sa tuwing titingnan at hahaplusin ko ang singsing na ito, ngunit nagkakamali pala ako.

Sa isang iglap ay naging simbolo ito ng aking wasak na puso mula ng pagkabigo niyang tuparin ang isang pangako. Ang pangakong mag-iisang dibdib kami at mamumuhay ng payak malayo sa mundong ito.

Umihip ang malakas na hangin kasabay ng pag-ambon mula sa madilim na kalangitan. Hindi ko iyon alintana at nanatiling nakatayo sa tapat ng railings paharap sa magandang tanawin sa ibaba. 

Narito ako sa Top Hill Park, kung nasaan ang isa sa mga magandang alaa