Chapter 3

Pakiramdam ni Celeste ay gusto na niyang tumakbo palabas ng bahay ni Raff. Hindi niya akalain na muling magtatagpo ang mga landas nila ng lalaking unang nakaangkin sa kanyang katawan.

Nang magising si Celeste noong umaga matapos ang mainit na p********k nila ni Raff ay may nakita siyang check na nagkakahalaga ng limang milyon sa kanyang kamay. Naisip niya na bayad iyon sa kanya ng lalaki kaya hindi siya nag-atubiling tanggapin iyon.

Since hindi ang matandang milyonaryo ang nakaniig ni Celeste kaya natitiyak niyang hindi ibibigay ng matandang iyon ang limang milyon na bayad nito para sa isang gabing kasama siya sa kama. Mas mabuti nga na ibinenta niya ang katawan niya sa isang bata at guwapong lalaki kaysa sa isang matandang hukluban.  Ngunit hindi niya inaakala na ang lalaking iyon pala at ang uncle ng boyfriend niya ay iisa. What a small world!

"Who is the girl with you, Dex?" tanong ni Raff kay Dex habang matiim na nakatitig kay Celeste.

Agad namang kumalas si Dex sa pagkakayakap sa uncle nito nang marinig ang tanong na iyon. Nakangiting nilapitan nito si Celeste at dinala sa harapan ni Raff para ipakilala.

"Uncle Raff, I would like you to meet my girlfriend, Celeste," proud ang boses na pakilala ni Dex kay Celeste sa uncle nito. Wala itong kamalay-malay na hindi man kilala ng dalawa ang kani-kanilang mga pangalan ngunit nagkita na sila at nagsalo sa isang mainit na gabi.

"Celeste," sambit ni Raff sa pangalan ni Celeste. Hindi pa rin nito hinihiwalayan ng tingin ang dalaga na ngayon ay sobrang uncomfortable na sa kinatatayuan nito.

Hindi maintindihan naman ni Celeste kung bakit bigla siyang nakaramdam ng lamig nang sambitin ni Raff ang pangalan niya. Labis ang kaba na nararamdaman niya sa pag-aalala na baka sabihin ni Raff kay Dex ang itinatago niyang lihim.

"Bakit hindi mo sinabi na may girlfriend ka na pala, Dex? Alam mo naman na naka-fixed na ang marriage niyo ni Monika mula pa pagkabata." Ang kanina ay masayang mukha ng ina ni Dex ay napilitan ng galit at pagdidilim nang marinig na girlfriend siya ng anak nito.

"Mom. Ilang beses ko bang sasabihin sa inyo na wala akong gusto kay Monika. Si Celeste ang mahal ko kaya siya ang pakasalan ko," pangangatwiran ni Dex sa ina nito. Mas lalong dumilim ang mukha ng ina nito dahil sa ginawang pagsagot sa nito sa kanyang ina.

"Shut up, Dex!" Pinandilatan nito ng mga mata ang anak nito. "Hindi ka ba nahihiya kay Monika? Nandito siya dahil gusto niyang makilala ang kanyang future uncle? Ipagpapalit mo ba ang isang babaeng disente na katulad ni Monika sa girlfriend mong iyan na halatadong cheap at pera lang ang habol sa'yo?"

"It's okay, Aunt. Hindi pa naman kasal sina Dex at ang girlfriend niya. And for sure, inakit lang siya ng babaeng iyan kaya nagkaroon sila ng relasyon," sabi ng magandang babae na kaedaran lamang nina Dex at Celeste. Siya ay walang iba kundi si Monika, ang babaeng tinutukoy ng ina ni Dex.

Masyadong na-shock si Celeste sa kanyang mga natuklasan kaya hindi siya makapagsalita. Kung hindi lamang siya masyadong nagulat sa  natuklasan niyang uncle pala ni Dex ang lalaking naka-one-night stand niya ay tiyak na nasupalpal na niya ang ina nito at si Monika dahil sa mga sinabi nitong hindi maganda tungkol sa kanya. Wala naman kasi silang karapatan na pagsalitaan siya ng hindi maganda dahil hindi naman siya nila kilala.

"Nandito kayo para sa welcome home party ko at hindi para pag-usapan ang tungkol sa bagay na iyan. Kung gusto niyong ipagpatuloy ang usapan ninyo ay sa labas kayo mag-usap. Huwag niyong sirain ang masayang atmosphere sa paligid." Nang magsalita si Raff ay himalang biglang tumahimik ang dalawang babae lalo na ang ina ni Dex. Mukhang takot ito sa uncle ng boyfriend ni Celeste.

Sumang-ayon naman kay Raff ang mga bisita nilang kamag-anak at malalapit na kaibigan.

"I'm sorry, Babe. Kung alam ko lang na mangyayari ito ay hindi na lang sana tayo nagpunta rito," nahihiyang paumanhin ni Dex kay Celeste. Inakay siya nito at pinaupo sa bakanteng upuan. "Kumain na muna tayo pagkatapos ay aalis agad tayo."

Gustong sanang sabihin ni Celeste na biglang nawala ang gutom niya kaya umalis na lamang sila sa bahay na iyon. Ngunit parang nalulon niya ang dila niya dahil hindi siya nilulubayan ng matiim na titig ni Raff. Paano naman niya malulunok ang pagkain kung halos matunaw na siya sa mga titig ni Raff sa kanya? At tila hindi yata iyon napapansin ni Dex na nasa kanyang tabi lamang.

"Excuse me. Puwede bang makigamit ng banyo?" Nang hindi na matagalan ni Celeste ang mga titig ni Raff ay nag-excuse siya na gagamit ng banyo. Ang totoo ay gusto lamang niyang makahinga mula sa mga titig ni Raff.

"Sure. Dumiretso ka lang at lumiko sa dulo. Pagkatapos ay makikita mo na ang banyo," nakangiting sabi ni Dex kay Celeste. Manhid yata ito kaya hindi nahahalata ang labis na pagkailang na nararamdaman niya.

Mabilis na tumayo si Celeste at sinundan ang instructions na itinuro sa kanya ni Dex. Madali naman niyang nakita ang banyo. Agad siyang pumasok sa loob ngunit sumandal lamang siya sa pintuan at huminga ng malalim. Sa wakas ay nakahinga rin siya ng maayos. Pigil na pigil niya kasi ang paghinga niya habang kaharap si Raff.

Tatlong minuto lamang si Celeste sa loob ng banyo dahil baka magtaka ang mga nasa mesa kung bakit matagal siya kapag hindi siya nakabalik agad. Pagbukas niya ng pintuan ay nagulat siya nang makitang nasa labas si Raff at tila siya ang hinihintay. Muli sana niyang isasarado ang pintuan ngunit mabilis kumilos si Raffa. Nagawa siya nitong itulak pabalik sa loob ng banyo at isinadal sa hamba ng pintuan matapos iyon i-lock.

"How are you, Celeste? Or should I call you Amara?" naniningkit ang mga matang wika ni Raff habang namamasyal sa kabuuan ng mukha ni Celeste ang mga mata nito.

"Bitiwan mo ako. Kapag hindi mo ako binitiwan ay sisigaw ako para pumunta rito ang mga bisita mo lalo na ang pamangkin mo," banta ni Celeste kay Raff. Ang totoo ay nagtatapang-tapangan lamang siya. Kung hindi nahahalata ni Raff ay nanginginig ang kanyang katawan.

Sa halip na bitiwan siya ay ngumiti lamang ng nakakaloko si Raff at pinaglandas ang hintuturo nito mula sa kaliwa niyang pisngi pababa at dumaan sa kanyang mga labi bago muling umakyat sa kanan niyang pisngi.

"Alam ba ni Dex ang trabaho mo, Celeste? Kapag malaman niya kaya kung anong klaseng trabaho ang meron ka, ano sa tingin mo ang gagawin niya? Matatanggap ka kaya niya?"

"Hindi ko trabaho iyon. Isang beses ko lamang ginawa iyon at alam mo iyon." Siyempre, alam iyon ni Raff dahil siya ang unang lalaki na nakaangkin sa katawan nito. Imposible naman na hindi nito naramdaman na virgin pa siya. Kung tama nga ang pagkakaalala niya ay huminto pa ito sa ginagawa at saglit na pinahupa ang sakit bago ito nagpatuloy na angkinin ang katawan niya.

"Oh, really? Malay ko ba kung hindi ka nakuntento sa limang milyon at bumalik ka pa pagkatapos sa lugar na iyon pagkatapos ng gabing iyon?" Tinapunan ni Raff ng nagdududang tingin si Celeste.

"I told you, isang beses ko lang ginawa iyon. Kailangan ko lang ng malaking pera para pampa-opera sa kapatid kong nasa hospital, pambili ng mga gamot niya, at pambayad sa hospital bills kaya ko nagawa ang bagay na iyon," paliwanag ni Celeste kahit hindi niya batid kung maniniwala ba  sa kanya si Raff o hindi.

"Iyan ang palusot ng mga babaeng nahuhuling may ginawang hindi mabuti." Napailing si Raff. Napakaganda ni Celeste. Mas maganda ito ngayon na hindi makapal ang makeup kaysa noong gabi na makaniig niya ito. Ngunit nanghihinayang siya sa klase ng trabaho na pinasok nito. Hindi niya alam kung nagsasabi ba ito ng totoo o hindi pero may bahagi ng puso niya ang gustong paniwalaan ang mga sinabi nito.

"Wala akong pakialam kung maniwala ka man sa akin o hindi. Let go of me now."

"Not unless I taste your lips again." Bago pa makatutol si Celeste ay mabilis nang naangkin ni Raff ang kanyang mga labi at binigyan ng malalim at mapagparusang halik.

"Matagal ka pa ba diyan sa loob, Celeste?" Naitulak ni Celeste si Raff palayo sa kanya kasabay ng panlalaki ng mga mata niya nang marinig niya ang boses na iyon ni Dex mula sa labas ng pintuan ng banyo. Bigla siyang nataranta. Hindi niya alam kung ano ang gagawin niya. Ano na lang ang iisipin ni Dex kapag nakita nitong kasama niya sa loob ng banyo ang uncle nito?