Chapter Fifteen: Betrayed

"Nasaan na ba 'yung boyfriend mo, bakit hindi mo man lang siya kasama? Alam mo naman na mainit ka sa mata ng mga babaeng iyon, pero hindi ka man lang niya binabantayan," inis na sambit ni Geo habang nakaupo sa tabi ng kama ko. 

Narito ako ngayon sa infirmary para ipatingin ang paa kong dati nang bali, pero nagalaw lang naman kanina kaya medyo sumakit. Dahil praning si Geo pagdating sa akin, dinala niya agad ako rito at pinainom ng pain killers kahit hindi naman na kailangan. Noong natapos na akong gamutin ng nurse, tumabi siya sa akin habang pinapagalitan ako.

"Nakakainis! Pinabayaan ko na nga siya tapos ganito pa ang nangyari. Pakiramdam ko, mali talagang tao ang napili mo," dagdag niya dahilan upang mapatingin ako sa kaniya.

Tinitigan ko siya ng masama at nang tumingin siya sa akin ay nakita kong medyo nagulat siya dahil sa paraan ng pagtingin ko sa kaniya.

"Bakit ganiyan ka makatingin sa akin