Lover 14

Gabi na ng makauwi ako sa bahay. Hindi na din ako dumaan sa sizzlingan dahil siguradong hindi naman ako mapapakinabangan doon saka baka magsasara na si tita Hilde pagdating ko doon.

Agad akong dumiretcho sa banyo at mabilis na naligo habang abala ang utak ko sa pagbabalik-tanaw sa nangyari sa maghapon. Parang may VTR sa utak ko na kusang nagre-replay ng mga nangyari. Naupo ako sa harap ng vanity table ko pagkayari kong maligo saka nagsuklay ng buhok. Nakatitig lang ako sa salamin habang pakiramdam ko ay hapong-hapo ako.

Wala rin ako sa mood at hindi ko alam kung bakit. Nanalo naman sila Caden, kung bakit parang ang bigat ng nararamdaman ko. Dahil kaya sa ipinakita ni Cai kanina?

Speaking of Cai, hindi ko na siya nakita mula pa kanina ng bigla siyang mawala sa game. Ayokong isipin na baka kung saan na siya nakarating. Ayokong mag-alala sa kanya dahil may kasalanan pa siya sakin.

Pero sino nga ba ang niloloko ko? Kahit naman gaano ako kagalit sa bruhong multo na iyon ay hindi ko pa ri