Chapter 6

JEAN POINT OF VIEW

“Bakit ba ang sungit mo ha?” inis kong singhal sa lalaking 'to ng makarating kami sa bahay niya.

“Bakit ka ba pumunta do'n? Alam mo naman maraming lalaki sa pinuntahan mo. Anong gusto mo makita ng lahat ang katawan mo!?” Bulyaw nito sa akin, aba may gana pa siyang magalit sa akin. Naiinis ba siya dahil nakita niya ang pagmumukha ko do'n? Naiinis din ba siya sa akin dahil nasira ko ang paghaharutan nilang dalawa ng babaeng 'yon?

“Sa pagkaka-alam ko wala namang masama kung pumunta ako sa kung saan- saan dito sa pagmamay-ari niyo Mister Roswell. Babayaran ko naman ang pag- stay ko dito kaya h'wag kang mag-alala. And mamaya pala pupunta kami ni Carla sa resort mo magsi-swimming lang kami,” gusto ko ang ekspresyon nang mukha ng lalaking 'to. Anong akala nito aalis ako? No way! Hindi ako aalis sa lugar na ito hangga't hindi niya ako mapapatawad.

“Carla is my maid. Hindi mo siya katulong para isama sa kung saan mo gustong pumunta,” sumbat nito sa'kin. Namaywang ako sa harap niya, alam kong katulong niya si Carla pero wala naman akong friends dito kaya kailangan ko ng makakasama.

“Sorry na lang Mister Roswell, wala kasi akong makakasama sa pamamasyal. Tutal si Carla ang una kong nakilala dito maliban sa'yo. Sa ayaw at sa gusto mo ay isasama ko siya.” pagmamatigas ko dito.

Naglakad ako papalapit sa kaniya, tumigil lang ako ng dalawang hakbang na lamang ang pagitan sa aming dalawa. “Isasama ko ang katulong mo hangga't naririto ako o papatirahin mo ako sa bahay mo hangga't nagbabakasyon pa ako dito. So, pumili ka na Mister Roswell.”

“The h*ck! Anong klaseng pagpipilian'yan?” hindi kumbinsido nitong tanong. Umirap naman ako bago nagsalita.

“ Madali lang naman ang pagpipilian mo. Hmm… gusto mo akong makasama dito sa bahay mo? It's okay for me kung sa bahay mo ako titira since ayaw kong mag-isa sa cottage,” hindi ako titigil hangga't hindi ko siya napapayag na dito ako sa bahay niya tumira. Anong gusto ng lalaking 'to ang itira dito iyong babae niya?

“C'mon, ganito na lang. Titira ako sa inyo and ako ang bahala sa mga gawaing bahay. If you want ako na lang ang maglalaba ng mga damit mo,” saad ko.

“Are you sure?” panigurado niyang tanong.

Marahan akong tumango, “Anong akala mo sa akin hindi marunong maglinis ng bahay?” sarkastiko kong tanong.

“ Isang sikat na modelo naging isang katulong ng binatang Roswell,” wika niya na para bang nagbabalita sa radyo’. “Ano kaya kung isang araw malaman ng mga tagahanga mo na naging katulong ka? Papayag ka bang laitin ng mga fans mo Jean Buentura?” nangungutya niyang ani.

Napakuyom naman ako ng kamao, anong akala ng lalaking 'to madadala niya ako sa mga sinasabi niya? Tskk, I don't care kung laitin ako ng mga fans ko. Basta makuha ko ang gusto ko.

“First of all, handa kong bitawan ang lahat kung ang kapalit lang nun ay mapasa- akin ka,” pagka sabi ko nun ay tinalikuran ko ito. Nang makailang hakbang lamang ako patungo sa hakdan ay tumigil ako sa paghakbang at nilingon ang lalaking ito.

“Alam ko naman na wala kang magagawa Mister Roswell. Tulad nga ng sabi ko handa kong bitawan ang lahat ng mayroon ako kung ang kapalit lang ng pagsasakripisyo ko ay ikaw.”

Matapos kong sabihin 'yon ay hindi ko na siya narinig magsalita. Kakapalan ko na ang mukha ko, kung kaya pumasok ako sa kwarto na kung saan ko nagising kaninang umaga.

NAGMUMUNI- MUNI lang ako sa loob ng kwarto dito sa pamamahay ng dati kong asawa. Tumawag na din ako ng taong magdadala ng sasakyan ko dito sa bahay ni Enzo. Siyempre pinadala ko ang susi ng sasakyan ko para madala, wala naman akong mga importanteng gamit sa loob ng sasakyan ko kaya ayos lang sa'kin kung ipagamit sa iba.

Sakto naman na umalis si Calvin siguro pupuntahan niya iyong babae kanina. Nasabihan ko na din si Carla na aalis kami mga bandang alas-dose ng tanghali. Masarap kaya mag-swimming kung mainit ang panahon. Kaya nag-ayos na ako ng sarili para maka-alis na kami ni Carla. Sinuot ko ang one piece bikini na kung tawagin ay Halter cut-out, na kulay red. My favorite color is red kahit ang undergarments ko ay mas marami ang kulay red kaysa sa ibang kulay.

Pinatungan ko rin naman ito ng summer beach coat. Parang kurtina lang ito na makikita pa din ang suot kong one piece na bikini. Hindi na ako nag-abala pang maglagay ng kolorete sa mukha ko e, ano pa ang saysay ng makeup sa mukha ko kung mababasa din naman mamaya. Siyempre naglagay ako ng light lipstick na kahit mabasa ng tubig ay hindi mabubura.

Nang makuntento ako ay lumabas na ako ng kuwarto. Bitbit ko ang shoulder bag ko na ang tanging mailalagay lamang ay ang cellphone ko at ang cute kong wallet.

“Carla! Let's go!” pagtawag ko sa pangalan nang katulong ni Calvin pagkalabas ko ng kuwarto. Nang hindi siguro narinig ni Carla ang pagtawag ko sa kaniya ay naglakad ako pababa ng hagdan.

Lumabas ako ng bahay ni Calvin at nakita kong kausap ni Carla ang pinagbilinan ko ng sasakyan ko. Kaya pala walang sumasagot sa akin sa loob nandito lang pala siya sa labas ng bahay. Tamang- tama ang dating ng kotse ko para makapunta kaagad kami sa resort ng pamilyang Roswell.

“Carla!” pagtawag ko dito.

“Hala, ka? Bakit ganyan ang suot mo Miss Jean?” gulat na tanong nito sa akin. Maski ang lalaking inutusan ko na dalhin ang kotse ko dito ay nagulat din dahil sa biglaan kong pagsulpot.

“Hindi ba obvious Merdy? Pupunta tayo ng resort para mag-relax, nakalimutan mo na kaagad ang sinabi ko sa'yo kanina?” taka kong tanong.

“Hehe, nawala lang sa isip ko Miss Jean Pero iba ka din Miss Jean ah, masyado kang agaw pansin. Baka mamaya pagkaguluhan ka ng mga boylet sa resort ni Sir Calvin.” biro nito sa akin. Mahina naman akong natawa, ayos nga iyon dahil kapag nagkataon na maabutan ako ni Calvin na ganito ang suot ko ay siguradong maaakit iyon sa'kin. Pero ang tanong makakasalubong ko ba siya sa resort?

Mukha ngang nagalit iyon sa akin kanina e.

Binalingan ko ng tingin ang lalaking binayaran ko. “ Thank you, maaari ka ng umalis. ” saad ko.

“Sige po, baka may kailangan pa kayo pwede niyo po akong ipatawag kay Carla.” Hindi ko alam kung nagpapapansin ba itong kaharap ko, todo ngiti kasi ito sa akin.

“Oh, okay!” tanging sagot ko sa lalaking ito. Binalingan ko naman si Carla na hanggang ngayon ay nakatingin pa rin sa suot ko. “Tara na Carla, hindi ka na ba magpapalit ng suot mo?” taka kong tanong.

“ Nako! Miss Jean, hindi ko na kailangan magsuot ng swimsuit kasi hindi naman ako sexy katulad mo,” nahihiya nitong sabi.

“Sexy ka din naman Carla, pero kung ayaw mo magsuot ng ganito, okay lang naman sa 'kin.” Saad ko, sumenyas din naman ako na sumakay na kami sa sasakyan ko.

Habang patungo kami sa resort ni Calvin at hindi ko pa rin maiwasang mainis sa lalaking iyon.‘ Pa hard to get ang kumag na 'yon hindi naman kagwapuhan!’ Sambit ko sa isip ko, kung pwede ko lang sana kulamin ang taong 'iyon ay ginagawa ko na.

‘Ano ba itong pinagsasabi mo Jean?’

Dahil sa pag-iisip ko, hindi ko namalayan na nakarating na kami sa resort. Nag-park ako ng sasakyan sa parking lot nitong resort, at sabay kaming lumabas ni Carla lumabas sa sasakyan ko.

Nagpa- book muna ako ng cottage para sa aming dalawa ni Jean. Umaasa sana ako na aasikasuhin ng lalaking iyon ang cottage na gagamitin namin ni Jean pero umasa lang naman ako sa wala.

‘Infairness ang laki ng pinagbago nitong resort’ sambit ko sa isip ko. Mas maganda na ngayon ang resort nila Calvin mas kumulay ang paligid.

__

Nagpalipas muna ako ng kalahating oras bago ako nagpalagay kay Carla ng sunblock sa likod ko. Kalahating oras akong naghintay na dadating ang lalaking iyon pero nabigo ako. Talagang pinanindigan niya na wala na siyang pakialama sa akin.

“Miss Jean, ang kinis ng balat mo. Nahiya naman ako sa balat ko Miss Jean,” sambit nito. Mahina naman akong natawa, puro na lang papuri ang naririnig ko kay Carla. Hindi na ata ito nagsasawa na magsalita at puro papuri na lamang ang naririnig ko sa kaniya.

“Ikaw din naman, makinis ang balat mo at morena ka. Tigilan mo na rin ang kakapuri sa'kin kasi lalo akong gumaganda,” natawa ako dahil sa biro ko.

“ Sige na nga Miss Jean, hindi na kita pupurihin,” napailing na lamang ako bago ko kinuha ang sunblock. Nang matapos akong magpahid ng sunblock ay nagtungo na ako sa gilid ng swimming pool. Marami na rin ang naliligo at karamihan ay puro lalaki.

Napalingon ako sa gilid ko ng tumabi sa akin si Carla. “ Mag-swimming ka na Miss Jean, babantayan kita dito sa gilid.” usal nito.

Napabusangot ako dahil sa sinabi niya, kaya nga ako nagpasama pumunta dito para may kasama akong mag-swimming e.

“ Ayaw mo bang mag-swimming?” nakakunot kong tanong, marahan naman siyang tumango.

“Okay, dito ka lang sa gilid ng pool ha?” bilin ko dito, marahan naman siyang tumango. Bumaba ako sa swimming pool at ramdam ko ang lamig ng tubig, nag-umpisa akong sumisid sa ilalim. Malawak naman ang swimming pool na ito kaya pwede ako maglalangoy hangga't gusto ko.

Habang lumalangoy ako ay bigla na lamang may humila sa isa kong paa sa ilalim ng tubig qp. Yumuko ako para makita kung sino iyon at isang pangit na lalaki ang nanghila sa paa ko.

Nang binatawan na ako nito ay mabilis akong lumangoy paitaas. Ngayon ko lang namalayan na nasa gitnang bahagi na ako ng pool kaya pala nahirapan ako lumangoy paitaas.

Hindi ko pinansin ang lalaking nanghila sa akin kanina sa ilalim ng tubig at lumangoy ako papalapit kay Merdy.

Akma na sana akong aapak sa hagdan nitong pool ng may humila na naman sa akin dahilan ng pagbagsak ko sa tubig. Mabuti na lamang ay hindi kalakasan ang pagbagsak ko kaya hindi masyadong masakit ang siko ko na tumama sa matigas na bagay.

Hanggang baywang lamang ang taas ng tubig sa kinatatayuan ko kaya malaya kong sinampal ang pangit na lalaking ito. Dahil sa inis ko at kaliwa't kanang sampal ang ginawa ko sa mukha ng lalaking ito.

“Sino ka para hawakan ako, bastard?” Nanggigigil kong tanong sa kaharap ko, pero nginitian lamang ako.

“Puwede ba kitang i-date Miss Beautiful?” Napamaang ako dahil sa sinabi nito, anong akala ng lalaking ito basta basta na lang ako nakikipag-date?

“First of all, sino ka ba para makipag-date sa akin ha? Sa pangit mong 'yan makikipag-date ako sa'yo?” Sarkastiko kong sabi, hindi naman niya nagustuhan ang sinabi ko kaya hinawakan niya ang kaliwang braso ko.

Nagpumiglas ako sa pagkakahawak nito, pero dahil malakas ang lalaking ito ay hindi ko magawang maka-alis.

“Bitawan mo nga ako!” sigaw ko. Namalayan ko na lamang na nakalapit na si Carla sa direksyon namin.

“Kababae mong tao, ang tapang- tapang mo.” Akma ako nitong hahalikan ng bigla ako nitong bitawan. Parang nag- slow motion ang pagtalsik ng lalaking humawak sa akin at akma akong hahalikan kanina.

Sa isang iglap ay tumalsik ito at natumba sa tubig. Doon ko lang na-realize na si Calvin pala ang sumuntok sa lalaking iyon.

Halos ang lahat ng nasa swimming pool ay sa amin na ang atensyon. Sino ba naman ang hindi mabibigyang pansin kung bigla na lamang mag kakaroon ng ganitong eksena.

“Gusto mo talagang binabastos ka Miss Jean Buentura,” isang malamig na boses ang narinig ko mula sa kaharap kong lalaki.

Doon ko napagtanto na iisang pulgada lamang ang layo sa akin ni Calvin .

“Tulungan mo siyang umahon,” utos niya kay Carla.

“Calvin!” tili ko ng akma siyang susugurin ng lalaking sinuntok niya. Ang bilis ng pangyayari at ngayon may mga staff na lumapit na sa amin upang awatin siya. Mabuti na lamang at nagpapigil siya dahil kung hindi baka hindi lang tatlong suntok ang natamo ng lalaking ng harrass sa akin kanina.