Chapter 12

Kulay kremang kisame ang unang nabungaran ni Jillian pagkamulat niya ng kanyang mga mata. Sobrang lambot din ng kama na kanyang kinalalagyan.

Habang iginagala niya ang tingin sa paligid ng kwarto ay nagbalik sa kanyang alaala ang huling kaganapan sa kanyang buhay.

May iilang benda sa kanyang katawan. Nangingitim na rin ang kanyang mga pasa.

Napabuntong hininga siya. Mukhang dinalaw siya ng swerte kahapon. Kung tama nga ang narinig niya ay tiyak na nasa isang hotel room siya. Ayaw na niyang isipin kung bakit siya binuhay ni Paxton. Ang mahalaga ay humihinga pa siya.

May mahinang kumatok sa pintuan kasabay ang pagbukas nun. At base sa suot na uniporme ng babae ay isa itong hotel attendant.

Ngumiti ito. "I'm glad that you're already awake, miss. Your lunch is ready. Do you want me to serve it here in your room?"

"Ahm.. It's f-fine. I'll be outside in a bit," sagot niya at tipid itong nginitian.

Tumango ito saka magalang na nagpaaalam. Huminga muna nang malalim si Jillian bago nagpasyang