Chapter 13

Buong biyahe nila papunta sa bahay ni Paxton ay wala silang kibuan. Pareho silang nasa likod ng sasakyan at nasa tabi ng magkabilang bintana, malaki ang spasyo sa gitna na parang allergic sa isa't-isa.

Madaling araw pa lang. Base sa oras na nakita niya kanina sa eroplano bago sila bumaba ay alas kwatro na ng madaling araw.

Gusto sana agad niyang dumalaw sa hospital para tingnan na kung ano ang mga nangyayari doon habang wala siya. Halos tatlong araw din kasi siyang nawala.

Kamusta kaya ang naging lakad ni doc Lance? Naipanalo ba nito ang auction? Susubukan na lang niya itong tawagan mamaya.

Hindi nagtagal ay nakarating na sila sa bahay ni Paxton o mas maganda siguro na sabihin na mansyon. As in na mansyon talaga dahil sobrang laki nito. Sobrang accessible din ng location ng bahay nito dahil nasa gitna talaga ito ng syudad. Medyo may kalayuan nga lang mula dito hanggang sa kanilang bahay.

Mariin na itinikom ni Jillian ang bibig nang walang salitang bumaba ng sasakyan si Paxton. Sumuno