Chapter 26

Mabilis na lumipas ang mga araw. Hindi namamalayan ni Jillian na mag-iisang buwan na pala siyang nagtatrabaho sa kompanya ni Paxton. At sa loob ng isang buwan na iyon ay halos walang mintis ang pagdalaw ni Lily dito.

Araw-araw ay may dala itong lunch box para kay Paxton. Kung minsan pa ay may naririnig silang mga halinghing galing sa opisina nito. Noong una ay grabe ang pagkagimbal nila noon na mga naka-assign sa floor na iyon ngunit hindi naglaon ay nasanay din sila.

"Sweldo na," nangingiti na wika ni Faye habang nakapila sa ATM upang mag-withdraw.

Sobrang saya rin ni Jillian dahil ito ang unang sweldo niya. Ililibre niya ang kanyang mama at kuya Ruben niya. Ang ipinagtataka lang niya kanina ay ang payslip na natanggap niya. Alam niya kung magkano ang sweldo nila ayon na rin sa kontrata na kanyang pinirmahan at ang nakita niya kanina na sweldo ay mas malaki sa inaasahan. Baka nagkaroon lang ng glitch? Ipinagsawalang bahala na lang ni Jillian iyon.

"Naku, anak. Ang dami naman nitong