Chapter 4: Invitation

Seren Evangeline Del Valle

"O, friend, problema mo? Para kang inahing manok na hindi mapaitlog diyan," puna ni Mika nang makailang ulit akong nag paroo’t parito sa kanyang harapan.

Mika is my college friend. Pero hindi gaya ko na nagmula sa maykayang pamilya noon, Mika is the opposite of it. She came from a poor family and the only reason why she could afford to study that time in the same university where I studied is because of the old man that she was dating before. Pero ang alam ko ay wala na rin sila ng lalaki bago pa man siya makagraduate, mabuti na nga lang at noong mga panahon na iyon ay may sapat siyang ipon kaya kahit papaano ay naigapang niya ang huling taon namin noon sa kolehiyo.

I sat in front of her and then I looked at my son who is now playing with Mika’s daughter. Hindi nga nagkakalayo ang edad ng dalawang bata kaya naman siguro mabilis silang nagkapalagayan ng loob.

I accidentally reunited with her two months ago. Nasa iisang floor lang pala kasi ang condo na inookupa namin at kung hindi pa kami noon nagkasabay sa elevator ay hindi pa kami muli magkikita. As much as possible kasi ay iniiwasan ko rin ang ilang mga tao na may koneksyon sa aking nakaraan, kaya naman nang makita ko muli si Mika ay laking tuwa at pasasalamat ko. Dahil kahit papaano ay may nakakausap at nalalapitan na ako. Sa kanya ko rin madalas iwan si Cyrus lalo na noong nakahanap na ako ng trabaho sa isang maliit na kumpanya malapit lang din sa aming lugar. May maliit na kasing cake shop si Mika kaya naman kahit papaano ay hawak nito ang kanyang oras.

"So, ano ngang problema mo?" muling usisa ng kaibigan ko kasabay ng pag-abot sa akin ng orange juice na siya mismo ang gumawa.

"Eh kasi ilang araw na akong kinukulit ni Austin. Hindi ko nga alam kung saan ba niya nakuha ang number ko pero mag-iisang linggo na siyang text nang text at tawag nang tawag," panimulang kuwento ko sa kanya kasunod ng pag-inom sa juice na tila ba iniisip ko pa lang ang kakulitan ng kapatid ng ex ko ay tila natutuyuan na ako ng lahat ng tubig sa aking katawan.

"Oh, eh anong problema? Kapatid naman pala ng ex mo, mas mamroblema ka kung ex mo mismo ang nangungulit sa iyo," ani pa niya sabay tingin sa aking anak na masayang naglalaro. "Kamukhang-kamukha pa naman ng ama niyang si baby boy mo," dugtong pa niya.

Matapos kasi naming magkita na dalawa ay naikwento ko sa kanya ang nangyari sa amin ni Cloud at ang dahilan ng paghihiwalay namin. Ramdam ko ang lungkot ni Mika ng mga oras na iyon habang nakikinig sa aking kuwento kaya naman batid kong gaya ko, nag-aalala lang rin ito sa maaaring kahinatnan naming mag-ina sa oras na malaman ni Cloud ang tungkol kay Cyrus.

"Paano ay iniimbitahan niya kasi ako sa isang party. Ang sabi niya ay sariling party naman daw niya iyon at wala naman daw ang mga kapatid niya. Ilang beses na akong tumanggi sa kanya kaso ang kulit-kulit kasi. Pag daw hindi ako pumunta eh siya mismo ang susundo sa akin sa apartment ko. Lalo naman ayaw kong pumunta siya sa tinutuluyan namin ng anak ko at baka makita pa niya si Cyrus, eh sabi mo nga parang pinagbiyak na bunga iyang mag-ama," nakukunsuming sabi ko pa na tinawanan lang naman ng magaling kong kaibigan.

"Ano ba Mika… namomroblema ako dito tawa ka naman nang tawa," nakabusangot ko pang sabi sa kanya.

Napalingon tuloy sa gawi namin ang dalawang bata at ang anak ko ay kunot noong napatitig pa sa akin.

"Mama, masakit head mo po? You look like my teacher kasi po eh, who is always complaining about her headache," may pag-aalala pang tanong ng anak ko sa akin.

"No Cyrus, your Mama is totally fine, just keep on playing dear," singit naman ni Mika bago ito muling umayos ng upo at saka ako hinarap.

"Friend… ito naman ay suggestion ko lang ha. Kung ako sa iyo ay pupunta na ako sa party na sinasabi ni Austin sa iyo, tutal naman ay sabi niya wala ang mga kapatid niya doon. Mas mahirap na kasi kung sumugod pa iyon sa bahay mo at makita pa itong inaanak ko. Eh sa tigas ng ulo ng bayaw mong hilaw na iyon hindi malabo na totohanin niya ang sinasabi niya sa iyo," seryosong sabi pa ni Mika dahilan upang muling kumawala ang malalim kong paghinga.

Ilang oras pa kaming tumambay sa cafe ni Mika bago ko naman inaya si Cyrus na umuwi na sa aming tinutuluyan. Isinama ko na rin ang anak ni Mika na si Michaela dahil sabi ng kaibigan ko ay susunod na lang daw siya dahil marami pa ring tao ngayon sa kanyang pwesto.

“Magluluto na ako sa bahay, doon na kayo kumain ni Michaela,” pahabol na sabi ko pa sa aking kaibigan.

Pagdating naman namin sa unit na inuupahan ko, hinayaan ko naman ang mga bata na maglaro muna sa sala habang ako naman ay dumeretso sa kusina para ihanda ang aming hapunan.

Nasa kalagitnaan ako ng aking pagluluto nang tumunog ang aking cellphone kaya naman ang anak ko ay patakbong lumapit agad sa akin para iabot ito. Akala siguro niya ay ang Lolo niya ang tumatawag kaya bakas ang excitement sa kanyang mukha, ngunit nang makita kong numero ni Austin ang tumatawag ay muli kong hinarap ang bata.

“Baby, it’s not lolo eh. Maybe Lolo is still asleep,” paliwanag ko pa sa kanya na agad naman niyang naunawaan.

Nang makalayo ang aking anak ay doon ko naman sinagot ang tawag ni Austin na ilang araw na ring nangungulit sa akin. “Hey Ate, nakapag-decide ka na ba? Pupunta ka naman, diba? O gusto mo ako na lang pumunta sa iyo para doon na lang ang party ko?” sabi pa nito habang mababakas sa kanyang tinig ang saya sa hindi ko malamang dahilan. Marahil dahil alam niya na ngayon ay hindi ko talaga siya matatanggihan.

Suminghap naman ako bago ko siya tuluyang sinagot na ‘oo, pupunta ako,’ bagay na sana ay hindi ko pagsisihan sa bandang huli.