SV: Kabanata 5

Bago pa maka-angal ang mga lalaki, kinaladkad na ni Paloma si Elowen palabas ng VIP room.

Pagsapit nila sa ladies' room, agad na binitawan ni Paloma si Elowen. Namumula ang mukha ng dalaga sa sobrang galit at nanginginig ang mga kamay habang nilalabas ang cellphone.

"Tanginang mga lalaki 'yan!" nanggagalaiting sigaw ni Paloma. "Lalo na 'yang hayop na si Hans! Anong klaseng mga kaibigan ba meron 'yung gagong 'yon?! Asawa niya,  pinapamigay niya sa mga manyakis, tapos 'yang iba naman nakatunganga lang doon at nanonood?! Mga hayop ba sila?! Wala ba silang mga puso?!"

Alam ni Elowen na ang tinutukoy ni Paloma ay ang best friend ni River na si Hans na kanina pa nakamasid lang sa kanila. Parehong galing sa mayamang angkan, magkababata at parehong nabubuhay sa mundong walang pakialam sa damdamin ng mga babae.

Si Paloma lang ang nakakaalam ng sikreto niya. Na kasal siya kay River. Na mahal niya ito nang patago at nakakatawa mang isipin, pareho silang minalas ng bestfriend niya sa mga lalaking napili nila.

Habang nagpupunas si Elowen ng luha, may narinig silang pamilyar na boses mula sa may sink area sa labas ng cubicle nila. Boses ni Eloisa iyon, isang sikat na socialite sa ciudad.

"Thank you talaga, River ah..." malambing at nagpapa-cute na boses ni Eloisa. "Kasi tinulungan mo ako sa project sa development zone. Kung hindi mo ako niligtas mula sa mga boss na 'yon sa drinking party last week, baka kung ano nang ginawa nila sa akin... Hays! Alam ko namang ikaw lang ang kaisa-isang taong mag-aalaga sa akin sa mundong 'to."

Napakapit si Paloma sa pader at umarte na parang nasusuka. "Kadiri! Putangina, babaeng malandi!" bulong nito.

Pero si Elowen? Napangiti siya ng mapait. Tapos unti-unting namatay ang ngiti sa mga labi niya hanggang sa mapalitan ng matinding sakit.

Alam pala ni River kung gaano kadiri at kadelikado para sa isang babae ang maiwan sa isang inuman kasama ang mga matatandang bilyonaryo. At niligtas nito si Eloisa sa mismong sitwasyong iyon.

Pero nang ang mismong asawa na nito ang nasa panganib? Ito pa mismo ang nagtulak dito sa mga kamay ng ibang lalaki. Ano nga ba talaga ang halaga niya sa lalaki? WALA. Asa pa siya. 

Nang marinig nilang umalis na ang dalawa, sumilip si Paloma. "Wala na sila! Bwisit, naglandian pa yata doon sa hallway!" Inayos ni Paloma ang sarili. "Sis, may tumatawag sa akin sa labas. Wait mo lang ako rito, okay? Kalma ka lang."

Tumango si Elowen at nang makalabas si Paloma, kumuha siya ng paper towel at humarap sa salamin. Tiningnan niya ang sarili niyang mugto at pagod na pagod na mga mata. 

Nang mag-ayos siya at akmang lalabas na ng restroom area, bumungad sa kanya ang isang pamilyar at matangkad na bulto. Si River yun at pumasok pa talaga sa loob. 

Hindi niya pinansin ito at nagpatuloy siya sa paglalakad ngunit nakadalawang hakbang pa lang siya, umalingawngaw na ang boses nito.

"Ano? Hindi ka pa ba nakuntento kanina kaya nagmamadali kang bumalik at i-alay ulit ang sarili mo doon?" malamig na pang-iinsulto ni River sa kanya.

Tumigil si Elowen, isang matinding galit ang sumiklab sa dibdib niya. Humarap siya rito, inangat ang noo at malamig na tiningnan ang binata.

"Hindi ba't masyado ka namang nakikialam, Mr. Samaniego?" matapang na sagot niya. "At saka, ang negosyo, mutual consent 'yan. Kung hindi ako babalik doon para makipag-cooperate kay Mr. Del Hamor, hindi ba't binastos ko na rin ang utos mo?"

Natigilan si River at kumunot ang noo nito. 

"Consensual? Mutual consent?" galit nitong pag-uulit.

Umiwas ng tingin si Elowen. Kinagat niya ang labi niya at muling tumalikod para maglakad.

Ngunit bago pa siya makahakbang, naramdaman niya ang isang malakas na pwersa. Hinablot ni River ang braso niya at sa isang iglap, bumagsak siya sa matigas at pamilyar na dibdib nito.

“River, ano ba—"

Hindi na niya natapos ang sasabihin nang marahas na sinakop ni River ang mga labi niya. Isang halik na walang halong pagmamahal, kundi purong galit, possessiveness at pananakit.

Napasok sa ilong niya ang matapang na amoy ng alak, hinaluan ng pabango nitong matagal na niyang kabisado. Sa sobrang lakas at bilis ng mga pangyayari, nahilo agad siya. Hindi niya namalayan na nakaladkad na pala siya nito papasok sa loob ng isang madilim na cubicle ng restroom at nai-lock ang pinto.

Pilit siyang nanlaban, pero idiniin siya ni River sa malamig na pader, walang awang kinagat ang ibabang labi niya at bumulong sa mismong tainga niya habang pareho silang naghahabol ng hininga.

"Gusto mo ng consensual? Pwes, ipapakita ko sa'yo kung anong klaseng mutual consent ang kaya kong gawin ngayon."