Sold to Mr. Zackary Devrox

Malalim ang iniisip ni Zackary habang nakatanaw sa malalagong tanim na rosas ng kanyang ina sa hardin. Mababanaag mo ang matinding lungkot sa kanyang mga mata habang nakatitig sa naggagandahang mga rosas. Hindi mapigilan ni Zack ang mapabuntonghininga. Ipinatawag siya ng kanyang ama sa opisina nito. Alam na kaagad ng ama ang nangyari kahapon, sapagkat nasa balita na ito at kalat na kalat. Napukaw lamang ang kanyang atensyon nang tumunog ang kanyang telepono na nakalagay sa loob ng kanyang suit. Salubong ang kanyang mga kilay nang mabasa ang mensahe ng kaibigang si Tommy. Hindi niya mapigilang isipin na pinagtripan na naman siya ng mga ito.Napailing siya at ibinalik sa bulsa ang telepono. Dahan-dahan siyang naglakad at umupo sa couch. Tahimik na sinulyapan ni Zackary ang ama na ngayon ay isinasara ang gamit na laptop. Napansin niya ang guhit sa noo ng ama at seryosong hitsura nito na halatang maraming iniisip. Alam niya na marami itong mga suliranin. Labis pa rin ang naging epektong n

Marahang ipinasok ni Zack ang sasakyan sa parking space na naka reserved para sa kanilang magkakaibigan. Okupado na ang pwesto ng tatlo indikasyon na siya na lang ang hinihintay. Nang makababa na ng sasakyan ay agad na tinungo ni Zack ang elevator sa basement upang marating ang second floor ng hotel bar. Sa second floor matatagpuan ang pribadong mini-bar ng kanyang kambal na kaibigan. Dito sila madalas na magkita-kita ’pag mayroon silang pag-uusapan na importante, o kung nais lang nilang mag-relax from stress and workloads. Matapos buksan ni Zack ang pinto gamit ang kanyang black keycard ay agad na siyang pumasok sa loob. Nakakailang hakbang pa lang siya ng kanyang mapansin ang nakabibinging katahimikan. Nang inilibot niya ang paningin sa apat na sulok ng k’warto ay doon niya nakita ang tatlong kaibigan.Ang kambal na si, Tommy at Timmy na magkaharap habang umiinom at naglalaro ng chess. Si Tristan naman ay abala sa pagtitipa ng kanyang laptop. “Uhm!” Tumikhim si Zack upang ipahiwat

Kararating lang ni Etel galing sa kanyang maghapong paglalako. Pakiramdam niya ay nauubos na ang kanyang lakas at iniinda pa niya ang sakit ng katawan. Nang maibigay na niya kay Ingka Besing ang bayad-puhunan, ay agad niyang tinungo ang kanilang bahay na walking distance lang mula doon. Matapos mailapag ang kanyang dala-dalang buslo ay agad niyang hinubad ang patong-patong na kasuotan. Nagbihis na agad siya hindi pa man nakakapag hilamos o ligo. Babad siya sa sikat ng araw, kaya ay pinalalamig muna niya ang katawan bago maligo. Nang nakabihis na ay kanya ng ininum ang gamot na binili upang maibsan ang pananakit ng kanyang mga pasa at sugat. Limitado lamang ang galaw ng dalaga dahil takot siyang magising ang ina. Sa ganito kasi na oras ay nagpapahinga ito upang maka punta ng kasino mamaya. Hindi niya alam kung ano ang ginagawa ng ina doon. Basta ang alam lang ng dalaga ay lasing ang ina tuwing umuwi ito. Wala pa mang ilang minuto nang maka pasok siya sa loob ng kanyang k’warto ay natan

Umalingawngaw sa buong paligid ng stardom ang isang sikat na musika. Kasabay ng pagkanta ng isang babae ay ang sigaw ng kanyang mga tagahanga. Umindayog si Filicity at masiglang kinanta ang chorus ng isa sa kanyang mga sikat na awitin. Mas lalong lumitaw ang kanyang ganda ng tinamaan ito ng ilaw na akma sa kulay ng kanyang balat. Mistula siyang isang Diyosa na sinasamba sa gitna ng entablado. Hindi maalis sa kanyang mga labi ang ngiti habang nakikita kung gaano nagwawala ang mga fans habang nagpe-perform siya. Ito ang pakiramdam na talagang hindi niya kayang bitiwan. Hindi niya alam kung ano ang kanyang magiging buhay kung hindi siya magtatanghal at makagawa ng panibagong mga kanta. Filicity Falcon is a talented performer. She sings perfectly, writes her own music and is an excellent dancer. Nasa bantayog pa siya ng kasikatan. Ito ay matagal niyang pinangarap lalong-lalo na ng kanyang frustrated singer na ina. Nang nabuntis ang kanyang ina sa kasagsagan ng kasikatan nito ay lumugar n

“No thanks! It doesn't look edible to me.” Napatitig na lang si Etel sa pagkain na kanyang ginagawa. Nagtataka siyang ibinalik ang tingin sa lalaki sapagkat wala naman siyang makitang mali sa pagkain. Iniisip ng dalaga na masustansya at talagang masarap ito. Pinagsama-sama niya ang, fried rice, hotdog, green peas, carrots, Karne, itlog at maraming ketchup.“Masarap po ito, Sir.” Nagtataka ulit na nakatitig si Etel kay Zackary nang mapagtanto niyang mataman siyang tinititigan ng lalaki niya.“Si-sir Za-zack . . .” bulong ni Etel. Wala sa sarili niyang naitakip ang kanyang dalawang mga kamay sa kanyang dibdib. “What happened to your cheeks?”Nagtatakang hinimas ni Etel ang kanyang pisngi nang marinig ang sinabi ni Zack. Nagmamadali siyang tumakbo malapit sa glass shelves na lagayan ng mga wine glass.“Wah! 'Bat namumula? Oy, hala! Naku! Naku!” Parang sira si Etel na gulat na gulat habang hawak-hawak ang kanyang pisngi. Agad niyang kinuha ang pagkaing kanyang ginawa at nagmamadaling bum