Chapter 13: Supporting actress

Mula sa paglabas ng hotel hanggang sa byahe ay tahimik lamang si Danica sa tabi ni Jiro na ikinabahala naman ng lalake, bigla tuloy itong nagsisi sa pang-aasar na ginawa niya rito kaninang umaga. Hindi niya kasi maiwasan na tumawa dahil sa itsura ng babae, hindi dahil napapangitan siya kundi para sa kaniya ay napa-cute nito sa gulo-gulong buhok.

Hindi alam ni Jiro kung tama ba ang desisyon niya na magpanggap na wala siyang alam sa nangyari sa babae at kung sino ang may kasalanan kung bakit nasira ang career nito, ang mahalaga ay maibalik niya ang dating kasikatan nito hanggang makalimutan na ng tao ang issue.

Pagkatapos noon, wala na siyang pakealam sa mga susunod na mangyayari, pwedeng patuloy siyang maging sponsor o maghiwalay na muli ang mga landas nilang dalawa.

“Are you really not going to talk to me?” Tanong niya kay Danica.

“Wala naman tayong dapat pag-usapan, Mr. Jiro kaya hindi ko alam kung may anong dahilan para magsalita ako o meron ba akong karapatan.” Nakangiti at magalan