TULUYANG NAGISING ang diwa ni Samarra, pero sa halip na imulat ang mga mata para magising ng tuluyan, mas pinili pa niyang ipikit nang mariin ang mga mata. Pakiramdam niya sobrang antok na antok siya at pagod na pagod sa hindi malaman na dahilan. Ang gusto niya lang mahiga sa malambot na kama katulad ng hinihigaan niya ngayon.Kama?Nang maalala na nakatulog siya sa kotse ay ganoon na lang kabilis niyang iminulat ang mga mata. Napabalikwas pa siya ng bangon mula sa pagkakahiga. Inilibot niya ang kaniyang paningin sa kabuuan ng kuwarto. Isang old Spanish type ang kuwarto na may pagka-modern and rustic ang pagkakadesenyo. Nakahawi ang malaki at makapal na kurtina sa may balkonahe kaya pumapasok ang liwanag sa kuwarto kahit na nakasarado ang pinto noon. Wala siyang ideya kung nasaan siya ngayon dahil bago lahat sa paningin niya ang nakikita niya. Umupo siya at isinandal ang likuran sa malabot na headboard.Nakasuot pa rin siya na white dress, ngunit wala na ang suot niyang flat sandals
NANG MATAPOS MAKAKAIN inaya pa siya ni Aunt Lorraine sa may gazebo para doon uminom ng tsaa. Habang sina Ezekiel at Uncle Calvin naman ay nagpaalam sa kanila para humayon sa studyroom. Alam niya na tungkol sa negosyo ang pag-uusapan ng dalawang lalaki dahil narinig niya na nanghihingi ng status si Uncle Calvin kay Ezekiel tungkol sa bagong hotel na ipapatayo sa Baguio.Habang umiinom sila ng tsaa ni Aunt Lorraine ay naisipan nitong makipag-video call sa SKYline sa Mommy Samantha niya. Doon sinabi ni Aunt Lorraine ang hiling niya na imbes sa Buenavista Mansion siya tumuloy ng isang buwan ay sa Buenavista Hotel niya pinili na bagay na ikinagulat ng mommy niya. Ayaw pa sana nito na payagan siya kung hindi niya lang sinabi ang totoong rason niya rito ng sandaling umalis si Aunt Lorraine.Doon ay para pa siyang nabunutan ng tinik sa dibdib ng makita ang ama niya na si Daddy Frost at sumang-ayon ito sa gusto niya. Katwiran nito sa mommy niya na hinayaan naman siya ng mga ito na pumunta sa P
HINDI MAN nahanap ni Samarra ang daan papunta sa Ms. Oh na pagmamay-ari niya. Si Ezekiel naman ang nakahanap sa kaniya ng sumuko na siya sa kakaikot sa loob ng Zafaria mall. Natagpuan siya ng binata na nakaupo sa isang mahabang couch na malapit sa isang bookstore. Pagod at inaantok na rin siya, kaya laki tuwa naman niya ng mahanap siya ng lalaki.Isang mahigpit na yakap ang binigay nito sa kaniya at may inuusal ito na hindi niya maintindihan. Bukod sa mahina ang boses nito na tila hindi talaga nito gustong iparinig sa kaniya ay hindi niya rin masyado maintindihan. Nang pakawalan siya nito ay katakot-takot na sermon naman ang narinig niya.Gusto na nga niya itong patigilin at tanungin kung saan ito humuhugot ng energy. Dahil kung siya ang tatanungin gusto na niyang ihiga ang katawan sa malambot na kama. Naubos na rin ang energy niya sa lalaking naka-engkwentro niya kanina at sa ginawa niyang paghahanap sa shop niya. Hindi naman niya kasi aakalain na sobrang lawak ng Zafaria Mall at may
ZACH POVSa Isla kung saan niya natatanaw mula okupadong silid nila ni Claudel siya nagpunta. Sa paglalaro sa tubig gamit ang Jet Ski niya ibinuhos ang lahat ng hinanakit niya sa nobya. Hindi rin alintana sa kaniya ang init ng sikat ng araw dahil mas masakit pa rin ang nararamdaman niya kaysa sa init ng araw.Hindi niya aakalain sa tinagal-tagal nilang magkarelasyon ni Claudel ay nagawa pa siyang lokohin ng ganoon-ganoon lang! Maliwanag pa sa sikat ng araw na matagal na siyang pinagtataksilan nito at ng manager nitong si Rance Punzalan. Hindi niya alam kung kailan pa ang nag-umpisa ang relasyon ng mga ito. Pero may hinala na siyang nabubuo na dati pa ang relasyon ng mga ito.Isang pagak na tawa ang pinakawalan niya.Kaya pala!Kaya pala kung makangisi sa kaniya si Rance sa kaniya ay ganoon lang! Dahil simula’t sapul para siyang tanga na walang kaalam-alam na may namamagitan na pala sa dalawa. Kaya pala malakas ang loob ni Rance na hawak-hawakan ang nobya niya kahit nandoon siya ay dah
ZACH POVWALANG IMIK si Zachary sa loob ng kotse kasama si Claudel habang nasa biyahe. Papunta sila sa B-TOWER Condominium kung saan ang okupadong unit ng nobya na nasa unahan lang ng San Carlos. Hindi niya ito matingnan sa mata na may pagmamahal katulad ng dati dahil natatakpan na iyon ng galit sa dibdib niya.Ang buong akala niya ay umuwi na ito kasama ang mga kaibigan niya ng makabalik siya kaninang umaga sa Amanpulo. Natigilan pa siya ng makita ito kasama si Rance sa may lobby. Nakaupo ang mga ito na tila hinihintay siya. Hindi man magkatabi ang mga ito sa upuan pero hindi maalis-alis sa isip niya ang pagdududa.Anong bang malay niya noong wala pa siya?Sa isip niya gusto na niyang bugbugin si Rance pero hindi niya ginawa. Pinilit niyang maging kalmado sa lahat ng oras na kasama niya ang mga ito. Sabay-sabay pa silang umalis sa Amanpulo at bumalik sa San Carlos.“Babe, we’re here,” pag-aanunsiyo ni Claudel ng huminto na ang kotse sa tapat ng B-TOWER Condominium.Isang buntong-hini
SA LABAS pa lang ng pinto si Zachary nakaramdam na siya nang matinding kaba. Hindi niya alam kung para sa Daddy Calvin niya o kay Samarra na alam niyang nasa loob na ng bahay nila.Napa-sign of the cross pa siya bago niya pinihit pabukas ang nakapinid na pinto. Halos panginigan pa siya ng tuhod ng makita ang Daddy Calvin niya sa mismong pinto. Halos hindi na maipinta ang mukha nito na tila inip na inip sa pagdating niya. Marahil naitawag na iyon ng Kuya Zeke niya sa ama niya na pinauwi siya nito.Bago pa niya maihakbang ang mga paa papasok sa loob ng bahay ay sinalubong na siya nito ng sermon. Galit na galit ito dahil sa ginawa niyang hindi pagsundo kay Samarra sa airport at sa hindi rin niya pagsipot sa pananghalian.Wala siyang nagawa kung hindi tanggapin ang katakot-takot na sermon nito sa kaniya. Ipinasok niya iyon sa isang tainga at inilabas sa kabila. Hindi pa nga ito titigil kung hindi ito inawat ng kaniyang Mommy Lorraine. Doon parang natauhan ang ama niya ng ipinaalala ng mom
HINDI kaagad nakasagot si Zachary sa babaing nasa harapan niya. Saglit lang ito natigilan kapagkuwan ay yumuko para ayusin ang laylayan ng suot nitong dress na hindi umabot sa tuhod. Kung ito ay nakabawi kaagad sa pagkatulala. Siya, ay parang hindi makapaniwala sa nakikita.Hindi niya alam kung sadya bang huminto ang oras ng mga sandaling iyon at nawala ang mga tao sa loob ng roof deck. O, talagang naka-focus siya sa babaing nasa harapan niya.Effortless ang kaharap niya. Bagong paligo ito dahil bukod sa basa pa ang mahabang buhok nito ay nanunuot sa ilong niya ang mabangong shower gel na gamit nito.Nang umangat ang mukha nito sa kaniya roon ay para lalo siyang natulala.Maamo at napaka-inosente nitong tingnan na mapagkakamalian mo na tila kinse anyos lang ang kaharap niya. Ang mga mata nito na tila nangungusap na kulay abuhin. Ang matangos na ilong na binagayan na mahahabang pilikmata na namimilantik. At ang mapulang labi nito na animo nilagyan ng kulay pulang lipstick na parang hin
Halos mawalan pa ng panimbang si Samarra sa pagmamadali na tumayo mula sa pagkakaupo niya sa lamesa. Gusto na niyang makaalis sa tapat ni Zachary. Sa tanang ng buhay niya ni minsan hindi sumagi sa isip niya na magagawa niyang mang-akit ng lalaki. Lalong-lalo na kay Zachary. Parang gusto pa nga niya na pagsisihan ang ginawa niyang iyon dahil parang wala naman epekto iyon kay Zachary. Mataman na nakatingin lang iyon sa kaniya kanina. Hindi niya alam kung ano ang tumatakbo sa isip nito habang nakatingin sa kaniya. Kaya hinamig na niya ang sarili baka hindi lang pang-iinsulto ang matanggap niya sa lalaki.Wala siyang ideya sa pang-aakit sa lalaki dahil ni minsan hindi naman niya iyon ginawa sa kahit sinong tao. Hindi nga niya alam kung anong pumasok sa isip niya para gawin niya iyon. Basta ang alam niya hindi siya puwedeng matalo kay Zachary.Huminga siya nang malalim para punuin ng hangin ang dibdib niya. Pakiramdam niya ay pangangapusan siya ng hininga dahil sa nag-uunahan na emosyon na