CHAPTER 7

Nakatingala sI Lily sa harap ng isang matayog na gusali, sa sobrang tayog nito na tila ba ang tuktok nito ay abot na hanggang ulap ay nakaramdam siya ng pangangalay ng leeg habang nakatingin dito. Ito ang unang beses na tumapak siya sa harap ng building ng Tan Group.

Alam niyang kung ikukumpara ang katayuan ng pamilya niya sa pamilya ng mga Tan ay wala itong laban. Habang nakatayo sa harap ng gusali at pinagmamasdan ang paglabas- masok ng di mabilang na mga empleyado ng Tan group ay napabuntong hininga si Lily.

Noon, hindi niya ugali ang magkumpara ng mga bagay-bagay, lalo na sa estado sa buhay. Pero sa sitwasyon niya ngayon at kasalukuyang katayuan ng pamilya nila na unti-unti ng bumabagsak, ay napagtanto niya na hindi maihahambing ang pamilya Delfin sa pamilya Tan.

Pansin niya na maraming empleyadong babae ang Tan group, lahat sila ay nakasuot ng mga prestigious na damit at kapansin-pansin ang ganda ng kanilang mga makeup. Maging ang mga receptionist ay hindi magpapahuli sa ganda ng kasuotan at palamuti sa mukha.

Ang buong gusali ay nagsusumigaw ng karangyaan at kapangyarihan, kaya hindi nakapagtataka na ganun na lang kaliit ang tingin ni Gino sa kanya bilang maybahay nito.

Mula sa paghanga sa kanyang mga nakita, itinikom ni Lily ang kanyang mga labi. Biglang nanikip ang kanyang dibdib na tila ba kinapos siya sa paghinga, nakaramdam siya ng hiya at panliiit sa kanyang sarili.

Humakbang siya papunta sa gilid ng gusali at kinuha ang phone sa bag at nag-dial ng numero. Agad namang sumagot ang nasa kabilang linya.

“Madam”

“ Assistant Joy, nandito ako sa baba ng building, pwede bang—”

Hindi pa man tapos makapagsalita si Lily ay pinutol na ni Joy ang kanyang sasabihin.

“Nasa meeting po ako ngayon madam, I will arrange someone na lang to pick you up.”

“Hindi ako…” natigilan si Lily ng biglang naputol ang tawag. Napaawang ang labi niya sa pagkadisamaya.

Walang plano na pumasok si Lily sa loob , may gusto lang siyang ipaabot kay Gino at ang assistant nito ang naisipan niyang kontakin. Kahit papano ay magiliw sa kanya ang assistant ng lalaki.

Wala pang dalawang minuto, ay may lumabas para sunduin siya at inanyayahan siya sa pagpasok sa loob.

“Ma'am, nasa meeting po si Assistant Joy, kaya ako ang inutusan niya na sunduin kayo.”

“H-hindi na kailangan, may gusto lang akong ibigay kay assistant Joy na mga dokumento para kay Mr. Tan, at saka itong snacks na ginawa ko,” tanggi niya sabay abot dito sa hawak niyang folder at paper bag na naglalaman ng sopas na ginawa niya.

“ Naku! ma’am , pasensya na po kayo pero mahigpit po ang bilin sa amin na hindi kami pwedeng tumanggap ng anumang dokumento para kay Mr. Tan, maaring kayo na po ang magbigay sa assistant niya o kayo na mismo ang mag-abot kay Mr. Tan ng personal.” hinging paumanhin ng sumundo sa kanya at ngumiti ng tipid.

“Tara po, at sasamahan ko po kayo sa loob,” dagdag pa nito at iginaniya siya papasok sa loob ng building.

Walang nagawa si Lily kundi ang sumunod sa babae ng magpatiuna itong pumasok sa loob.

Sa loob ng opisina ng CEO, hindi maipinta ang mukha ni Gino, katatapos lang ng kanyang meeting at mukha itong irritable, kunot ang noo at igting ang mga pangang kinalas ng matipuno nitong mga braso ang suot na kurbata. Ilang beses niya itong hinila bago niya ito tuluyang nahubad.

“Mr. Tan, nasa baba po si Madam Lily, pinasundo ko na sa isang empleyado,” wika ni Joy, ang kanyang assistant sabay lapag ng ilang dokumento sa desk ni Gino.

Bahagyang napatigil si Gino at bahagyang lumuwag ang salubong nitong mga kilay, biglang sumilay ang munting ngiti sa kanyang mga mata na may bahid ng pangungutya.”

“Huh, sinasabi ko na nga ba, at magkukumahog kang babalik sa akin Lily. Ilang araw pa lang ang lumipas at nandito ka ngayon, crawling back to me, I really looked down on you.” sambit ni Gino na may ngiti sa mga labi.

“You acted tough ng umalis ka sa poder ko, aaminin ko, I expected na babalik ka pagkatapos ng isang araw. Hindi ko akalaing aabot ng ilang araw bago mo maisipang bumalik. Kung hindi dahil sa tulong ng pakialamera mong kaibigang ni Sussie, tiyak akong hindi ka tatagal ng ganito,” bulong ni Gino sa sarili.

“ May another meeting pa kayong naghihintay in ten minutes Mr. Tan, ika-cancel ko ba, ngayong dinalaw kayo ni Madam?” curios na tanong ng assistant.

Napaisip sandali si Gino sa tanong ng assistant.

“No! E-reschedule mo na lang after thirty minutes.”

Kahit ano pa man, kailangan niyang harapin si Lily, ngunit hindi ibig sabihin nito na pinapatawad na niya ito for being unreasonable, kahit na humingi pa ito ng tawad sa pagkakamaling nagawa.

Sa isip ni Gino, kailangang matuto si Lily sa kawalang katwiran nito ng mabawasan ang kayabangan nitong makipaghiwalay sa kanya. She needs to learn her mistakes at hindi sapat ang ilang minuto para humingi ito ng tawad sa kanya.

“Masusunod Mr. Tan,” maagap na sagot ni Joy at agad na tumawag para e-reschedule ang susunod na meeting.

Sakay ng regular elevator ng kompanya, kasama ang babaeng sumundo sa kanya ay medyo natagalan bago nila narating ang top floor dahil sa maraming empleyado ang paulit-uliit na umaakyat at bumababa sakay ng elevator.

At sa wakas ng bumukas ang p***o ng elevator sa top floor kung saan matatagpuan ang opisina ng CEO na walang iba kundi si Gino Tan ay hindi matiis ni Lily ang matanong, dahil hanggat maari ay ayaw niyang makita ang asawa.

“Matanong ko lang, nasa opisina ba si Mr. Tan,” magalang na tanong ni Lily sa kasama.