Kabanata 21

HUMANTONG si Gabrielle sa sementeryo kung saan palagi siyang pumupunta doon upang maglabas ng hinanaing sa kanyang ina. Dulot na ring ng wala naman siyang kahit na isang tao na mapagsasabihan.

Pinalis niya muna ang mga luhang nagsisimula nang pumatak sa kanyang pisngi. “Nay, bakit po ganoon? Ako na nga palagi ang nagpaparaya at nasasaktan pero sa huli ako pa rin po ang naging masama at ang palaging iniiwan,” napabuntunghininga siya. Sobrang sikip na ng dibdib niya dahil sa tindi ng sakit na nararamdaman niya.

She felt betrayed and worthless. Iniiwan nalang siya palagi ng mga taong pinapahalagahan niya. Isa na roon si Stella na parang basahan nalang kung itapon ang kanilang ilang taon ding samahan bilang magkaibigan.

Kahit na hindi niya ito pinapili ay malinaw na malinaw sa kanya na si Zierelle ang pinipili nito. Kahit na nasasaktan siya ay lihim niya nalang na idinadalangin na sana’y piliin din ni Zierelle si Stella upang mapatunayan din nito sa sari