The Billionaire Daddy's Abandoned Heirs

Maganda at maaliwalas ang simoy ng huling bahagi ng tag-init sa Angeles, Pampanga nang ilang araw, pero ngayon, bigla na lang bumuhos ang malakas na ulan nang walang pasabi na tila ba nakikiramay ito sa bigat na nararamdaman ni Andrea.

Habang lumalabas si Andrea Maniago mula sa departamento ng gynecology, hindi niya namalayan ang taong lumabas din mula sa katabing pasilyo.

Nagkabanggaan sila.

Nalaglagan at nagkalat sa sahig ang hawak niyang mga dokumento.

"So-sorry po, hindi ko po sinasadya”

Agad siyang humingi ng tawad at mabilis na yumuko para pulutin ang mga papel.

Isang pares ng makintab at itim na leather shoes ang tumapak sa mga dokumento bago pa man niya maabot ang mga ito.

Hindi niya mahugot ang mga papel, kaya tumingala siya at magalang na nagsabi,

"Sir... pwede po bang pakialis ang paa niyo?"

Nanatiling hindi gumagalaw ang lalaki.

Biglang nakaramdam si Andrea Maniago ng malamig at mabigat na titig mula sa itaas.

Bago pa man siya makakilos, may yumuko para pulutin ang isa sa mga papel at bulalas nito,

"Hymen repair surgery?"

Dahil sa pamilyar na boses na iyon na hinding hindi siya maaring nagkamali, natigilan si Andrea Maniago

Bianca Santillan

“Kapag minamalas ka naman talaga oh, dito pa talaga sa dinami dami ng lugar”, bulong niya sa kaniyang sarili

Kung andito si Bianca, walang ibang nagmamay-ari lang ng mga mamahaling leather shoes na iyon ay kundi siya lang

Matteo Ignacio Montealegre

Eversince bumalik sa States si Bianca Santilla dala ang anak nito, pinilit na ni Matteo na tapusin ang kanilang kontratang kasal ni Andrea Maniago nang tatlong buwan nang mas maaga sa takdang oras.

Sa nakalipas na tatlong buwan, halos araw-araw nitong kasama si Bianca Santillan.

Palaging nakikita ni Andrea Maniago na magkasama sila nang hindi na mabilang na beses.

Sa puntong ito...

Nasanay na rin siya.

Pero nasa gynecology department sila.

Bakit sila nandito?

Dahan-dahan siyang tumayo.

Dahan-dahang hinaplos ni Bianca Santillan ang kanyang ibabang tiyan, habang nakaguhit ang isang nambibiro at mapagmataas na ngiti sa kanyang mga labi.

Pumikit ang mga mata ni Andrea Maniago sa sobrang gulat.

Posible kaya na...

Buntis ulit siya?

Anak ni Matteo Montealegre?

Magkakaroon ulit sila ng baby? Baby number 2? 

Habang kinakausap ang sarili sa kanyang isip, para bang may tumutusok na karayom sa kanyang dibdib na hindi niya maintindihan.

Ang kanyang kambal ay kahit minsan ay hindi pa nakilala ang kanilang ama.

Mula nang ipanganak sila, napilitan silang mamuhay nang patago.

"Oh Andrea..."

"Hindi ko akalain na pupunta ka talaga rito para sa... ganitong klaseng konsultasyon."

Matamis na ngumiti si Bianca.

Ayos na ayos ang makeup nito.

Suot nito ang cream-colored na V-neck blouse na may flutter sleeves, at pares ng eleganteng high heels na nagpatingkad sa maganda nitong hubog ng katawan.

Sa tabi niya, mukhang kaawa-awa si Andrea Maniago.

Naulanan kasi siya.

Dumikit sa mukha niya ang basa niyang buhok, at mukhang simple at gusot-gusot ang damit niya.

Napatingin nang bahagya sa kanyang sarili si Andrea. Katabi ng makintab at eleganteng aura ni Bianca...

Sobrang layo ng pagkakaiba nila.

Umigting ang panga ni Matteo.

Nakatitig sa kanya ang madidilim nitong mata na parang sinusubukang basahin ang buong pagkatao niya.

"Andrea Maniago"

"Hindi pa nga tayo hiwalay, pero nag-iisip ka na agad na ipaayos ang hymen mo."

"Anong lalaki ba ang balak mong akitin at lokohin?"

Umalingawngaw sa isip niya ang mga salitang minsan nang sinabi ng matalik na kaibigan nito.

"Si Andrea Maniago siguro ay nakipagtalik sa di na mabilang sa daliring mga lalaki”

"Napakamalas naman ni Matteo.kasi natapat siya sa isang nakakadiring babae”

Ngayon...

Pinaghihinalaan na rin niya na ang mga mantsa ng dugo noong una nilang gabi ay peke lang pala.

Baka nagpaopera rin siya noon.

Ang isa ay tagapagmana ng isa sa pinakamayamang pamilya sa Angeles.

Ang isa naman...

Ay anak ng kasambahay ng pamilya Montealegre.

Kung hindi lang nangyari ang apat na taon na ang nakararaan...

Hinding-hindi nagtagpo ang mga landas nila.

Tiningnan ni Andrea Maniago ang lalaking hindi man lang nagdadalawang isip sa kanyang mga bintang

Naramdaman niyang lalong lumayo ang loob nito sa kaniya sa mga oras na iyon

"Hindi…"

"Nagkakamali kayo ng akala."

Yumakap nang mahigpit si Bianca sa braso ni Matteo.

"Andrea..."

"Hindi ka na ba talaga marunong mahiya?"

Unti-unting nagtipon ang mga taong dumadaan.

Nang makita nila ang mga dokumentong may tatak na Hymen Repair sa mga kamay ni Andrea Maniago hindi nila mapigilang magbulungan sa isa't isa.

Puno ng paghamak ang mga mata nila.

Namutla ang mukha ni Andrea Maniago.

Yumuko siya, pinulot ang mga papel, at tumalikod para umalis.

Bago pa man siya makahakbang ulit—

Hinarang ni Matteo.ang dinaraanan niya.

Kalmado pero may awtoridad ang boses nito.

"Andrea Maniago”

"Hangga't hindi pa tayo opisyal na hiwalay..."

"Alalahanin mo ang lugar mo."

Sumisikip ang dibdib niya.

Binuka niya ang kanyang bibig.

Pero walang lumabas na salita.

Ang paliwanag na nasa dulo ng dila niya ay nilunok niya na lang pabalik.

Hayaan na.

Kahit naman sabihin pa niyang may nagnakaw ng pagkatao niya at pumunta lang siya rito para mag-imbestiga...

Maniniwala ba siya?

Hindi.

Hindi kailanman

Kahit ano pang paliwanag niya...

Palagi nitong iisipin na gumagawa lang siya ng dahilan.

Hindi ba natutunan niya ang leksyong iyon noong mga nakaraang taon pa?

Isa pa...

Sa susunod na linggo, kapag natapos na ang cooling-off period ng divorce at natanggap na nila ang kanilang divorce certificate...

Ganap na silang magiging estranghero sa isa't isa.

Isipin niya kung anong gusto niyang isipin.

Bumuntong-hininga si Bianca na parang tunay na naaawa sa kanya.

“Hayy”

"Babe...."

"Andrea's mother's medical expenses must be overwhelming."

"Sinuportahan siya ng Montealegre Family sa loob ng maraming taon”

"If hindi na niya afford ang treatment para sa nanay niya”

"Baka ito na lang ang natitira niyang option, hindi ba?"

Huminto ito sandali bago idinagdag nang mahina,

"Pero Andrea..."

"Dapat mahalin ng isang babae ang kanyang sarili."

"At alamin kung paano ingatan ang sariling dangal."

Hinawakan nang mahigpit ni Andrea Maniago ang mga dokumento hanggang sa pumuti ang mga buto ng kanyang mga daliri.

Wala siyang ibang gusto kundi sampalin si Bianca sa mukha.

Sa loob ng maraming taon...

Dahil binabayaran ng pamilya Montealegre ang paggagamot ng kanyang ina...

Tiniis niya ang bawat insulto nang tahimik.

Mabuti na lang at sinabi kamakailan ng mga doktor na bumubuti na ang kalagayan ng kanyang ina.

Malapit na...

Kaya na nitong alagaan ang sarili nito.

Kapag natapos na ang kasunduan sa divorce...

Dadalhin ni Andrea Maniago ang kanyang ina at mga anak palayo sa kanila nang tuluyan.

Hindi na niya kailangang makita pang muli ang mga taong ito.

Kitang-kita ni Bianca ang kahinaan niya.

Isang mapang-uyam na ngiti ang dumaan sa mga mata nito.

Sa pagkukunwaring nagmamalasakit, tumingin ito kay Matteo.

"Uhmm Babe..."

“Bakit hindi mo binayaran agad ang part ng divorce settlement nang advance?”

"That way..."

"Di na sana niya kinailangan pang… ibenta ang sarili niya "

Actually, hindi nito binanggit ang huling dalawang salita.

Hindi na kailangan.

Naintindihan ng lahat ang ibig nitong sabihin.

Lalong lumamig ang mga ekspresyon ng mga tao sa paligid.

May mga taong hindi na nag-abalang magbulungan pa.

Tiningnan nila si Andrea nang may pandidiri.

Ang kanilang paghamak ay parang libu-libong nagyeyelong arrows na tumusok sa kanyang katawan.

Nanginginig ang mga dulo ng kanyang mga daliri.

Tama na.

Ang galit na ilang taon niyang tinimpi ay tuluyang sumabog.

Walang pag-aalinlangan—

Pak!

Malakas na lumapat ang kanyang palad sa mukha ni Bianca

Natigilan at napaatras si Bianca sa gulat.

Tinitigan siya ni Andrea mula ulo hanggang paa

"Bianca, right?"

"Proud na proud ka pang dikit nang dikit sa asawa ng ibang babae”

"And yet you dare na turuan ako?"

"Kung gusto mong turuan ang isang tao tungkol sa morality”

"I think, kailangan mo munang matutunan ang salitang hiya” 

Nagulat at nagkagulo ang mga tao at nagsimula ang mga bulungan

"So siya pala ang kabit?"

"Bakit parang kung makaasta kala mo siya ang legal na asawa?"

"Nakikipagtalik siya sa asawa ng iba tapos nagpapanggap pa siyang inosente?"

"Ang kapal ng mukha!"

"Hindi ako makapaniwalang may mga taong malakas ang loob na umastang nasa katuwiran pagkatapos niyang sirain ang kasal ng iba."

Agad na lumipat kay Bianca ang mga bulungan.

Namumula ang mukha nito dahil sa sampal.

Kitang kita sa mga mata nito ang galit na agad agad niyang pinalitan ng luha para makuha ang simpatya ni Matteo.

Habang tinatakpan ang namumulang pisngi nito, kaawa-awa itong tumingin kay Matteo.

"Babe..."

Marahang hinawakan ni Matteo. ang namumulang marka sa mukha nito.

Agad na dumilim ang ekspresyon nito.

Walang sabi-sabi—

Hinawakan niya ang pulso ni Andrea

Napakalamig ng boses nito na tila ba wala itong pakialam sa kung ano man ang mangyari kay Andrea

"Andrea Maniago"

"Humingi ka ng tawad kay Bianca, ngayon din!"

Mas lalo nitong hinigpitan ang hawak nang walang awa.

Pakiramdam niya ay balak nitong durugin ang kanyang pulso.

Napangiwi sa sakit si Andrea at pilit na kumalas.

"L-Let go...Bitawan mo’ko"

Sa halip na bitawan siya...

Mas lalo pa nitong hinigpitan.

At halatang umiigting ang panga nito sa galit

"I won't repeat myself."

Kung tumanggi siyang humingi ng tawad...

Marami itong paraan para pilitin siyang sumunod.

Tiningnan ni Andrea ang malamig at walang awang mga mata nito.

Alam na alam niya kung anong klaseng kahihinatnan ang naghihintay sa kanya kung magpapatuloy pa siya sa pagmamatigas

Pero kahit ganon pa man...

Tumanggi siyang humingi ng tawad kay Bianca Santillan.