Chapter 3- MET AGAIN

Chapter 3

SCARLETT

"Lucian...Devereux...Search!" 

Bigla namang nagloading ang G****e pagkatapos kong isearch ang pangalan niya, pero tanging 'No result containing all your search' lang ang lumabas.

Ibig sabihin hindi siya active in social media? Imposible naman ata yon; mukhang mayaman ang taong iyon kaya imposibleng hindi siya kilala sa labas o loob man ng media. 

"Hmm...Lucian...Valerius...Devereux...Search!" muling nagloading si G****e at ngayon naman ay may inilabas siyang iba't ibang litrato. Mga litrato ng lugar, building at restaurant lang ang nakikita ko. At mukhang pribado nga talaga ang buhay ng lalaking iyon dahil ni isang picture niya ay wala akong makita.

"Devereux Inc.? Sa kanila kaya to?" 

Ito yung building na tinuro ng driver niya―mukhang ito nga iyon. 

Nagsearch lang ako patungkol sa kompanya nila at napag-alaman ko na hiring sila ngayon. 

Napangisi naman ako. Pwede akong mag-apply sa kumpanya nila, ang kaso nga lang ay wala akong mga requirements na hinahanap nila tulad ng dapat ay college graduate. Eh, senior high school lang ang natapos ko pero may alam naman ako sa mga computer dahil ICT ang strand ko nung nag-graduate ako ng senior high school.

Ang plano ko nung nakarating ako dito sa Maynila ay maghanap ng trabahong tungkol sa pinagtapos ko, ang kaso ay mga college graduate lang talaga ang tinanggap nila. Kaya ang ending ay bumagsak ako sa pagtatrabaho sa bar para lang may maipadala sa lola at kapatid ko sa probinsya. At hanggang ngayon ay hindi pa rin nila alam ang totoong trabahong pinasok ko dito.

Sa pagkakaalam lang nila ay maayos at disente ang pinanggagalingan ng perang pinapadala ko sa kanila dahil pagsasayaw at pag-entertain sa mga customer lang naman ang trabaho ko sa bar, pero sa baba ng sweldo at laki ng gastusin ko dito sa Maynila ay kailangan kong i-upgrade ang trabaho ko. 

At yun ang bilihin ako ng customer para sa isang gabi, at kagabi sana ang first day ko sa trabahong yon, ang kaso ay kotong naman ang nakuha kong customer at gusto lang maka-score sa akin ng walang bayad. Buti na lang talaga ay nakaalis ako sa taong iyon. 

Naisipan ko nalang puntahan at humingi ng tulong sa katrabaho kong may pagka-hacker para gawan ako ng pekeng dokumento. 

Kaya naman lunch time pa lang ay nasa club na ako. "Kailangan ko ng college diploma, katunayan na grumaduate ako ng college, eh wala naman ako non, kaya gawan mo ako." pag-mamakaawa ko sa katrabaho kong si mikmik.

"Luh, tang*na mo, baka madamay pa ako dyan," sagot niya at muling bumalik sa harap ng computer niya. 

"Parang ano naman to, hindi naman kita isusumbong pag nahuli ako, sige na friends naman tayo eh,"

"Ulul, anong friends? Ngayon mo nga lang ako nakausap," inis niyang sagot at binato ang ubos ng sigarilyo niya sa akin. 

"Sige na! Babalatuhan na lang kita pagsumahod ako, mas malaki kikitain ko doon kompara dito, syaka malay mo maireto rin kita doon pag natanggap ako? Edi lalaki rin sweldo mo? Tapos―" 

"Ayy! Oo na, Oo na gagawan na kita! Basta lubayan mo na ako! Ang ingay eh!" inis niyang bulyaw at pilit akong pinilabas ng kwarto at pinagsarahan ng pinto. 

"Thank you!"

Napagdesisyonan ko munang mag-waitress sa bar ngayong umaga dahil wala namang ie-entertain na customer. Pag mga ganitong oras kasi ay mga customer na gusto lang mapag-isa at maginom ang pumunta tuwing umaga hanggang hapon. 

"Oh babaita! Ito na yung hinihingi mo! Subukan mo lang talaga akong takbuhan at hindi balatuhan, yari ka sakin." 

Tinignan ko naman ang inabot niyang papel, mukhang diploma nga! Kuhang kuha pati yung papel na ginamit. 

"Thank you, Mik!" ika ko at mahigpit siyang niyakap. 

"Ay kadiri ka naman! Lumabayan mo nga ako!" inis niyang bulyaw at naglakad palayo. 

Napangiti na lang ako dahil sa kasungitan niya―mabait naman iyon, sadyang ayaw niya lang talagang inaar siya. 

"Hoy! Sca! Alas syete na, mag-ayos ka na at maraming customer ngayon," rinig kong tawag sakin ng manager namin. 

Dali-dali naman akong pumasok sa backstage para mag-ayos. Agad kong pinalitan ang ordinaryong bra ko ng push-up bra. Eh pano ba naman kasi ay bigla nalang huminto sa paglaki ang bogelya ng mag eighteen ako kaya naman parang walang laman ang dibdib ko tuwing ordinaryong bra lang ang suot ko. 

Hindi naman ako flat―sadyang magkahiwalay lang talaga sila Sasha at Sappie kaya naman kaylangan lang nila ng a little bit push para magdikit sila at magmukhang malaki. 

"Pts, may mga bagong papi sa labas, galingan mo para naman makarami ka," bulong ni Ester sakin, isa sa mga dancer dito sa club tulad ko. 

"Talagang gagalingan ko dahil kung hindi ay wala na akong tutulugan bukas," ika ko sa kanya habang sinusot ang isang pares ng hikaw. 

Dumaan nanaman kasi ang landlord ko kagabi at naniningil nanaman. Kulang ng dalawang libo ang naibayad ko, at pag hindi ako nakapagbayad bukas ay talagang patatalsikin niya na ako sa tinutuluyan ko. 

Nang matapos akong mag-ayos ay napagdesisyonan ko nang lumabas. Ang kaninang mahinang kantahan ay napalitan ng makas na tugtugan nang makalabas ako mula sa backstage. 

Nilibot ko ang paningin ko at tama nga ang sinabi ni Ester, maraming baguhan ngayong gabi, sana naman ay kahit isa lang maka-jackpot ako dahil limus na limus na ang pitaka ko. 

"Sa Table 3 naman ay 5 margarita shots and 2 glasses of liqueur," Saad ni Ate Cherry at inabot sakin ang isang tray ng mga alak. Waitress lang dito si Ate Cherry, pero tinutulungan niya kami mag-serve sa mga customer. Ang problema nga lang ay kasama niya ang makulit niyang anak na mahilig manghingi ng pulutan sa mga customer.

Agad kong kinuha ang tray na inabot niya para ma-serve sa mga customer. 

Pero hindi paman ako nakakalapit sa table ng biglang may sumagi sa harap ko dahilan para mawalan ako ng balanse. 

Napapikit na lang ako ng makitang malapit na akong tumama sa sahig. Pero ilang segundo ang lumipas ng walang sahig ang tumama sa mukha. 

Laking gulat ko nang buksan ko ang mga mata ko dahil isang lalaki lang naman ang sumalo sa katawan ko habang basang-basa siya ng mga alak. Marahil sa kanya bumagsak ang tray ng alak na hawak ko. 

"L-Lucian."