Chapter 4

NAMILOG ang mga mata ni Alaina sa narinig. “What?” 

Ang kanyang labi at katawan ay nanginig. “Are you kidding me Doc?” Ulit niya pang tanong sa Doktor na nagsabi sa kanya ng resulta ng mga lab test niya.

Nagsalubong naman ang mga kilay nito at napakunot ang noo. “Hindi po ba kayo masaya misis na buntis kayo? Wala naman pong masama kung mabuntis kayo lalo na at may asawa po kayo.”

Yun na nga mismo ang problema. May asawa nga siya pero hindi naman siya nito tinabihan pa kahit na minsan lang kaya isang malaking kalokohan ang mabuntis siya kung wala pa namang nangyayari sa kanilang dalawa.

Isa lang ang sagot kung paano siya nabuntis. Nabuntis siya ng ama ni Sigmund, yes, her father in law. Pero isang beses lang na may nangyari sa kanilang dalawa kaya paanong nabuntis siya kaagad? Paano nangyari iyon?

Posible ba talaga na ang isang beses na pakikipagtalik ay makakabuo ba kaagad?

Hindi niya alam kung anong mararamdaman niya noong mga oras na iyon pero ang pinaka nangibabaw sa lahat ay ang takot. Takot sa sasabihin ni Sigmund, takot na baka madismaya niya ang lola nito at higit sa lahat, takot siya sa sasabihin ng ibang tao para sa kaniya.

Dahan-dahan siyang napahawak sa kanyang puson. May baby na siya doon ngayon at may kung anong kiliti siyang naramdaman sa kanyang dibdib. Magkakababy na siya.

Pero sa totoo lang ay hindi niya inaasahang sa ganitong paraan pa siya magkakaroon ng baby.

Bigla siyang nakaramdam ng kaunting lungkot dahil iniisip na niya kaagad kung anong magiging buhay ng baby niya kung sakali man. Napakagat labi siya.

Ipinagbilin nito ang mga kailangan niyang inumin na vitamins idagdag pa ang mga ipinagbabawal sa mga buntis. Puro tango lang ang ginawa ni Alaina dahil para pa ring nakalutang siya. Ni wala siyang maintindihan sa mga sinasabi ng Doktor. Ang kanyang isip ay lumilipad. Hindi niya alam kung ano ang magiging reaksyon ni Sigmund kapag nalaman niya?

O alam na niya? 

Natatakot siya. Natatakot siya sa mga sasabihin nito ngunit kung ano pa man, handa siyang tanggapin ang lahat ng iyon dahil alam niya na kasalanan niya.

~~~~~

“Ma, ano bang problema? I told you to rest.” Sabi ni Sebastian sa ina.

Parang napakalaki ng problema nito. Wala naman na sana itong dapat problemahin pa since nasa bahay na lang ito at nagrerelax.

Isang mahabang buntong hininga ang pinakawalan nito bago napahilot sa sentido. “That child, he wants to divorce her wife just to be with that vixen.” 

Halata sa boses nito ang galit habang sinasabi iyon. Awtomatiko naman na nagsalubong ang mga kilay niya.

“Why?”

“She’s pregnant.”

Dalawang salita lang pero parang may bombang sumabog sa ulo ni Sebastian. It’s been a month since that night. Pilit niyang iniwasan ito since halatang hindi ito komportable kapag nakikita siya kaya sa tuwing umuuwi siya ay hindi na siya doon dumidiretso kundi sa bahay ng kanyang ina.

“What?” 

Hindi niya maiwasang hindi magulat sa totoo lang. If she’s pregnant then… he’s going to be a dad?

Hindi na niya kailangan pang kwestyunin kung siya nga ba ang ama ng dinadala nito dahil, siguradong sigurado siya since siya ang nakauna rito. 

“Yes.” muli itong nagpakawala ng isang buntong hininga.

“I pity that child. She was all alone since her grandmother died and that Sigmund didn't even treat her as her wife.”

Natahimik siya. His face darkened. Maganda naman ito, mukha rin naman itong mabait and that night, she was so sad and lonely. Halata sa mga mata nito ang lungkot.

Nagtagis ang mga bagang niya pagkatapos ay tumayo. 

“Where are you going?” 

Hindi siya sumagot. Hindi niya alam kung tama bang sabihin niya rito na siya ang nakabuntis sa kanyang daughter in law. Tiyak na ikakagulat nito iyon, baka mahimatay pa ito kapag sinabi niya.

Kailangan niya muna kausapin si Alaina bago siya magdesisyon.

~~~~

Tulala at namumugto ang mga mata ni Alaina habang nakaupo sa kanyang kama. Ang kinakatakutan nga niya ay nangyari na. Nalaman na ni Sigmund ang tungkol sa pagbubuntis niya at sobrang galit nito.

Kung ano-anong masasakit na salita ang natanggap niya mula rito. Kung noon ay masakit na itong magsalita sa kaniya, ngayon ay mas lumala pa dahil sa na nabuntis siya at sino ba ang may kasalanan sa nangyaring iyon? 

Kung hindi sana siya nito pinabayaan, kung hindi sana ito palaging nagpupunta sa babae nito baka, baka hindi siya lumabas para uminom noong gabing iyon.

Napakagat labi siya at napahawak na lang sa kanyang tiyan. Hindi pa rin siya makapaniwala na mayroon ng sanggol doon.

“I’m sorry baby…” puno ng emosyon na bulong niya. Ramdam niya ang pag-iinit ng sulok ng kanyang mga mata.

Gusto niyang magkaroon ito kahit papano ng magandang buhay, ng perpektong pamilya pero… alam niyang napaka imposibleng mangyari nun lalo na at ganun ang sitwasyon niya.

Pinapalayas na siya ni Sigmund. Bukod doon ay talagang desidido itong hiwalayan siya. Kapag pinalayas siya doon, hindi niya alam kung saan siya pupunta. Hindi niya alam kung sino ang tatakbuhan niya lalo na at wala na ang lola niya na palaging kakampi niya.

Dahil sa dami ng iniisip niya, naging vulnerable siya at bumagsak ang luha sa kanyang pisngi.

Bakit sa dinami rami ng tao na pwedeng makaranas ng bagay na iyon ay bakit siya pa? Bakit kailangang siya pa ang makaranas nito kung pwedeng iba na lang?

Napakagat labi siya.

Ilang sandali pa ay natigilan siya nang makarinig siya ng pagkatok mula sa p***o.

Dagli niyang pinunasan ang kanyang mga luha. “Hindi ako gutom.” sabi niya dahil sigurado siyang ang kasambahay iyon.

Walang sumagot hanggang sa narinig niya ang isang baritonong boses mula sa p***o. “It’s me, let's talk.”

Namilog ang mga mata niya. What is he doing here?

Alam na rin ba niya?

Napuno ng takot ang dibdib ni Alaina. Paano kung sabihin nito sa kaniya ipalaglag niya ang bata?

Napatayo siya ng wala sa oras. Hindi niya pa ito kayang harapin sa ngayon. Hindi pa. Ngunit ibubuka pa lang sana niya ang kanyang bibig para magsalita ngunit, bigla na lang bumukas ang p***o at po pumasok ito sa loob ng kanyang silid.

“Wh-what are you doing?”

“Wh-why are you here?” nagkakanda utal utal ng tanong niya sa lalaking kapapasok lang.

Hindi niya magawang maintindihan o mabasa ang iniisip nito habang nakatingin sa kaniya. “We need to talk.” seryoso nitong sabi at sumandal sa p***o.

…