Chapter 2

“OH hi apo!” bati ng lola ni Sigmund sa kaniya. Hinalikan siya nito sa pisngi tyaka niyakap kung saan ay dali-dali niya naman itong sinuklian.

“Hello po lola, namiss ko po kayo…” puno ng emosyong sabi ni Alaina. Hindi man sila okay ni Sigmund ay talaga namang malapit siya sa lola nito. Itinuturing niya itong pangalawa niyang lola since ang kanyang totoong lola ay pumanaw na noong nakaraang taon.

Sobrang miss na miss na nga niya ito sa totoo lang at kapag nagkikita sila nito, palagi niyang naaalala ang lola niya.

Ngumiti ito sa kaniya tyaka hinaplos ang pisngi niya. “Namiss din kita hija.” bumaba ang tingin nito sa tiyan niya tyaka hinipo. “Wala pa ba? Gusto ko ng magkaapo sa tuhod.”

Alanganin lang siyang ngumiti. Nilingon niya si Sigmund na nakatingin lang din sa kaniya. Ang mga mata nito ay puno ng babala. Isang maling sagot niya lang sa harap ng lola nito ay tiyak na kung ano-ano na naman ang sasabihin nito sa kaniya. 

Ilang sandali pa ay bigla itong nagtanggal ng bara sa lalamunan. “Lola, nandito na si Dad.” sabi ni Sigmund kung saan ay dali-dali naman silang tumayo ng matandang babae at humarap sa p***o.

Nang makita niya ang lalaking nakatayo doon at nang magtama ang kanilang mga mata ay para siyang na-estatwa, ang lalaking nakatayo doon at tinatawag ni Sigmund na ‘Dad’ ay walang iba kundi ang lalaking… ang lalaking nakaniig niya kagabi.

Sunod-sunod ang ginawa niyang paglunok. Parang gusto na lang niyang lamunin ng lupa noong mga oras na iyon. 

Bakit? 

Iyon ang unang tanong na pumasok sa isip ni Alaina noong mga oras na iyon. Sa dinami-rami ng taong pwede niyang maging father in law ay siya pa talaga?

Kitang-kita niya rin ang pagkagulat sa mga mata nito nang makita siya pero nanatiling kalmado ang ekspresyon nito. Siya na ang unang nag-iwas ng tingin sa matinding kahihiyan niya.

“Oh, Sebastian you’re finally here. This is the first time to meet your daughter in law right?” hinawakan ng matandang babae ang kamay niya. “Her name is Alaina, she was a very sweet girl.” puno ng pauring sabi ng matandang babae ngunit hindi siya makaramdam ng kilig kundi pawang kahihiyan lang ang nararamdaman niya noong mga oras na iyon. Kung pwede lang sanang maglaho sa harap nito ay ginawa na niya.

“Hija, this is your father in law…”

Wala siyang ngawa kundi ang mag-angat ng ulo ngunit mabilis din siyang yumuko. “Hello po Tito…” puno ng kaba at hiya na usal niya.

Samantala, kumibot naman ang sulok ni Sebastian nang makita niya ang babaeng nasa tabi ng kanyang ina. She was her, the girl last night.

Paggising niya kanina ay wala na ito sa tabi niya. Pinahanap niya ito sa ilan niyang tauhan pero, hindi nila ito nakita. Gusto niya sana itong bigyan ng kaunting pera para sa pagpapaligaya nito sa kaniya dahil ayaw niyang magkaroon ng kahit na anumang utang rito dahil lang sa gabing iyon lalo na at malinaw pa sa isip niya ang pulang marka na naiwan sa bedsheet ng kama.

Sa dami ng lugar kung saan niya ito pwedeng makita ay doon pa mismo sa bahay niya and it turns out, she was his daughter in law. Sa pagkaalala niya, it’s been six months simula noong magpakasal si Sigmund dito dahil sa kanyang ina. Mukha namang okay silang dalawa pero napatunayan niya kagabi na hindi iyon totoo. Hindi totoo kung anong pinapakita nila sa lahat sa totoong relasyon na meron sila.

He was her first, he clearly knows that at walang dahilan para itanggi nito iyon. Sigurado siya at hindi siya tanga.

Isang pilit na ngiti ang sumilay sa mga labi niya. “Nice to meet you…” of course, kailangan niya itong i-greet bilang isang daughter in law na first time magmeet sa bahay na iyon.

Mabilis na nagyuko ito ng ulo. “Nice to meet you po…” bakas sa boses nito ang kaba. Marahil natatakot ito na baka magsalita siya ng tungkol sa nangyari sa kanila kagabi ngunit wala siyang balak na gawin iyon lalo na at naroon si Sigmund kasama nila.

~~~~~

Pakiramdam ni Alaina ay hindi siya matutunawan sa mga kinakain niya. Oo nga at masasarap ang nakahain sa mesa ngunit parang wala siyang malasahan kahit na isa sa mga iyon. Kabang-kaba pa rin siya at hindi pa rin siya makapaniwala na ang lalaking nasa gitna ng mesa kasama nila ay walang iba kundi ang lalaking nakaniig niya kagabi.

Napakagat labi siya at biglang napaupo dahil bigla na lang siyang nasamid. Dali-dali siyang uminom ng tubig. Nang maramdaman niya ang matiim na titig ng lalaking nakaupo sa gitna ay mas lalo lang siyang nataranta.

“Hija, you look pale. Okay ka lang ba?” tanong sa kaniya ng matandang babae na nas atabi niya. Si Sigmund na nasa harap niya ay sinulyapan siya ngunit halatang isa iyong babala.

Bahagya siiyang ngumiti sa matandang babae. “Medyo masama lang po talaga ang pakiramdam ko lola.” pag-amin niya dahil totoo namang masama talaga ang pakiramdam niya. Sobrang sakit ng katawan niya. Daig niya pa ang nagtrabaho ng napakabigat sa totoo lang.

“Ganun ba. Okay, you should rest now. Marami pa naman kayong oras para makapag-usap ng iyong father in law at magkakilala.” sabi nito sa kaniya. 

Iyon talaga ang gusto niya. Ang makaalis na doon sa harap ng lalaki dahil baka makalimutan na niyang huminga sa sobrang pagkataranta. Ngunit ang isipin na mananatili ito sa bahay na iyon kasama siya ay parang hindi niya alam kung anong gagawin niya.

Oo nga at bahay nila iyon pero kasi, parang hindi siya komportable na makita ito o makasalubong pagkatapos ng nangyari sa kanilang dalawa lalo na at wala na talaga siyang balak pa na makita ito sana pagkatapos kagabi pero sadyang mapaglaro talaga ang tadhana.

Sa dinami-rami ng pwedeng paglaruan ay talagang siya pa ang napili. “Salamat po lola.” magalang na sabi niya bago nilingon ang lalaking nasa gitna. “Pasensya na po kayo, gustuhin ko man pong magtagal pa para maka-bonding kayo ay talagang hindi ko na po kaya sa sama ang pakiramdam ko.” maingat na sabi niya rito.

Bukod pa doon ay mabilis din siyang nag-iwas ng tingin dahil hindi niya kayang tagalan ang mga titig nito sa kaniya.

“Okay lang. You can go and take a rest.” sabi nito at mabilis na tumango tyaka tumayo. Nagmamadali siyang umakyat sa kanyang silid habang mabilis pa rin ang tibok ng kanyang puso.

Damn it! Bakit sa dinami rami ng pwede niyang maging father in law ay bakit ang lalaking iyon pa? Bakit si Sebastian Spencer pa?

…