Chapter 6

“YOU fooled me.” walang emosyon na sabi ni Sebastian kay Lilibeth, ang kanyang asawa na hindi niya naman minahal. 

Sa ilang dekada nilang pagsasama ay ni hindi niya man lang ito nagawang matutunang mahalin lalo na at ilang taon nilang sinubukang magkaanak ngunit sinabi nito sa kaniya na hindi sila makabuo dahil baog siya. Ipina-check nito ang kanyang semilya at ang resulta ng mga test ay baog siya.

For years ay tinanggap niya ang katotohanang iyon. Pumayag siya na magpa IVF si Lilibeth just to continue his bloodline idagdag pa na hindi ito pumayag na makipaghiwalay sa kaniya dahil sinabi nito sa kanyang kapag sinubukan niyang nakipaghiwalay ay ipagsasabi nito sa ibang tao ang tungkol dito.

Tinanggap niya si Sigmund bilang anak niya pero hindi niya ito lubusang natanggap ng buo at medyo malayo ang loob niya rito, siguro dahil hindi pa rin siya makapaniwala sa sarili niyang baog siya.

Pero ngayong nalaman niyang buntis si Alaina at dinadala nito ay siya ang ama, ngayon niya napatunayan na isa siyang tanga na naniwala sa kasinungalingan ni Lilibeth.

Namutla ang mukha nito kaagad. Ang maputi nitong mukha ay mas nawalan pa ng kulay sa narinig.

“What are you talking about Sebastian?” naging mailap ang mga mata nito.

Wala siyang pasensya pagdating sa mga taong sinungaling kaya mas lalo lang naging madilim ang kanyang ekspresyon. 

“Tell me, buntis na na noon bago ka magpa-IVF, hindi ba?” 

Sunod-sunod ang naging paglunok ni Lilibeth noong mga oras na iyon. Wala siyang kaide-ideya kung saan kinuha ni Sebastian ang mga bagay na sinasabi nito ngayon sa kaniya.

Bagamat totoo ang lahat ng sinasabi nito, ang napakalaking tanong sa isip niya ay kung paano nito nalaman ang tungkol sa bagay na iyon. Paano nito nalaman na hindi naman talaga ito baog when in fact, napakatagal na simula noong panahong iyon at hindi niya lubos akalaing darating pa ang araw na malalaman nito ang totoo since halos mabaon na niya sa limot ang katotohanang iyon.

O di kaya naman ay…

Naging matalim ang kanyang mga mata na nakatitig dito. “Don’t tell me, nakabuntis ka kaya mo sinasabi sa akin yan ngayon?” May bahid ng pang-aakusa na tanong niya.

Nang hindi ito sumagot ay napuno ng galit ang kanyang mga mata. His silence was enough.

Ang mahababa niyang mga kuko ay halos bumaon sa mga palad niya.

“And what if I did?” hamon nitong tanong sa kaniya.

“I will assure you na hinding-hindi makakatapak sa pamamahay na ito ang magiging anak mo at ang walang hiyang babae na iyon kung sino man siya!”

Nagtaas baba sa galit ang dibdib niya. For the first time in their entire marriage ay ngayon niya lang narinig si Sebastian na nagsabi ng ganung klaseng mga salita dahil kalimitan, wala naman itong pakialam sa kaniya at sa mga ginagawa niya.

Higit sa lahat, kampante siya na hindi ito nambabababae dahil wala naman siyang nababalitaan pero ngayon, habang nakatingin sa mukha nitong walang ekspresyon ay alam niya sa sarili niya na hindi ito nagbibiro.

So totoo nga na may nabuntis itong babae? Sino?

Tumaas ang sulok ng mga labi ni Sebastian nang marinig niya ang pagbabanta ni Lilibeth sa kaniya. Kahit na saang anggulo pa tingnan, wala itong karapatang sabihin iyon sa kaniya dahil hindi siya ang nagloko kundi ito ang nanloko sa kaniya.

“Kung noon, nagawa mong pigilan ako sa pakikipaghiwalay sayo… this time I will assure you na hindi ka na makakatanggi pa.”

Tumayo siya sa kaniyang kinauupuan at handa na sanang umalis ngunit mabilis din itong tumayo at hinarangan ang daraanan niya.

“Do you really think na pipirma ako sa divorce papers kung sakali man huh Sebastian?” puno ng galit na tanong nito at ang mga mata nito ay nanlilisik habang nakatingin sa kaniya.

Wala siyang naging reaksyon. “Baka nakakalimutan mo na Lilibeth? Kaya kong patunayan sa korte na hindi ko naman talaga anak si Sigmund, na anak mo siya sa ibang lalaki.” 

Napakatatalim ang kanyang mga salita ngunit wala siyang pakialam. 

Mabait pa nga siya. “Kung ako sayo, umalis ka diyan sa harapan ko habang mabait pa ako dahil kaya kong sirain ang buhay ng anak mo.” banta niya.

Hindi naman niya tatanggalan ng karapatan si Sigmund pero syempre, dahil magkakaroon siya ng sarili niyang laman at dugo ay mas priority niya ito kahit na ayaw siya at hindi tanggap ni Alaina bilang ama ng dinadala nito.

Sino nga ba naman kasi ang mag-aakalang ang isang gabing iyon ay makakabuo silang dalawa kahit na iyon ang unang beses na pagniniig nila. Napaka ingat niya pagdating sa mga babae sa totoo lang pero pagdating kay Alaian, he was captivated.

Para siyang nawala sa sarili niya noong gabing iyon at nakalimutan ang lahat. Ang mga problema niya, ang frustraton niya sa kumpanya at higit sa lahat, ang edad niya.

Mas lalong naging madlim ang mukha ni Lilibeth nang marinig niya ang sinabi ni Sebastian. Kilala niya ito at hindi ito nagsasalita ng mga bagay na walang kabuluhan. Ang bawat lumabas sa bibig nito ay kayang-kaya talaga nitong gawin pero si Sigmund na ang pinag-uusapan doon at hindi siya papayag na mawawalan lang ng saysay ang lahat ng pinagpaguran niya at isinakripisyo niya nitong mga nakalipas na taon.

Akala ba nito ay basta-basta na lang siyang papayag na mag-uuwi ito ng bastardo nito sa bahay nila? Kahit pa sabihing hindi nito tunay na anak si Sigmund, sa mata ng lahat ay ito pa rin ang nag-iisang tagapagmana nito at hindi pwedeng mag-uwi ito ng ibang bata!

Hindi siya papayag hanggat nabubuhay siya, hindi!

“Kahit na ano pang banta ang gawin mo Sebastian, hinding-hindi ako papayag na iuwi mo rito ang batang iyon!” nag-aapoy ang mga matang usal niya.

Kitang-kita niya kung paano kumibot ang labi ni Sebastian at napuno ng galit ang mga mata. Bigla siyang napalunok at bahagyang napaatras dahil bigla na lang siyang kinalabutan ng wala sa oras dahil sa itsura nito.

“Hindi ko kailangan ng opinyon mo in the first place dahil kahit na hindi ka pumayag, sa araw na iyon sisiguruhin kong wala ka na rito.” walang emosyon na sabi nito at tuluyang lumabas.

Naiwan siyang nakatayo doon habang nakasunod ng tingin dito. Napahawak siya sa kanyang dibdib at dahan-dahang napaupo sa sofa bago dinampot ang kanyang cellphone para tawagan si Sigmund.

…