CHAPTER 8: Never been yours

Nang dahil sa katandaan ni Kolton Kaede, hindi na siya pinapakilos ng mga tao sa mansyon. Dahil marami na rin itong sakit at mas lalong tumitindi ng dahil sa pagkawala ng isa niyang apo na si Vetarie Kaede. Ayaw nitong tumigil sa paghahanap dahil nagbabakasakali siya na umalis lang ito at babalik muli. Kaya naman ang mga katulong sa mansyon ay hindi maiwasan na mag-alala sa matanda, lalo na ngayon at nagmamatigas itong maigi.

"Ayokong kumain! Hanggang ngayon ba ay wala pa rin kayong makuhang balita? Anong silbe ng perang binibigay ko sa inyo kung hindi n'yo makita-kita?!"

Halos lahat sila ay naninibago kay Kolton. Ito kasi ay napakaayos magsalita at hindi ito sumisigaw. Kaso ng dahil sa pagkawala ni Vetarie sa loob nang limang buwan ay naging magagalitin na ito. Palagi itong galit at hindi man lang ito sumusunod sa mga tao sa bahay, lalo na kapag kakain o iinom ito ng gamot.

"Kailangan n'yo pong umino—"

Nagulat ang lahat ng biglang tinabig ni Kolton ang isang tray na dala-dala ng i