CHAPTER 9: I agree

Maagang nagigising ang mga katulong sa mansyon, dahil kailangan nilang ipaghanda ng pagkain si Hanlu. Pero laking gulat nila na makita itong gising na at saka nakabihis na ito, kahit na naninibago pa sila dahil ito ang oras ng kanyang gising at pag-aayos.

"Young master, Hanlu," tawag ni Choi sa kanyang amo. Magsasalita sana itong muli, pero agad itong natigilan ng mapansin niya ang isang anino na nakita niya sa kanyang tabi. "Ma'am V-Vetarie?" Hindi makapaniwala si Choi at saka agad na tumungo, senyas ng paggalang. Habang kinakabahan naman siya na baka mamaya ay mag-iba nanaman ang emosyon nito.

"Magandang umaga po, butler Choi." Sabay ngiti ni Vetarie na tila wala siyang iniindang problema.

Ang mata ni Choi ay nagliwanag bigla at saka ngumiti rin agad sa dalaga.

"Tawagin mo ako kapag dumating si Caden. Ako na ang magsasabi sa kanya ng mga dapat niyang gawin." Hanggang sa nawala na lang ng parang bula si Choi at hindi rin nila maipinta ang saya na makitang magkasama ang dalawa.

S