CHAPTER 7: His first love

Parang mga chismoso at chismosa ang mga tao sa labas ng kwarto ni Hanlu at kung nasaan si Vetarie. Sila ay nag-iintay na mabigyan ng magandang resulta ni Hanlu, dahil simula nang ito ay pumasok, bigla na lang din nawala ang lakas nang iyak ni Vetarie. Ang kanilang mga taenga ay malapit ng humaba sa sobrang pagkakadikit sa pader at maging sa pinto.

"Butler Choi, sa tingin n'yo ba ay napatahan ni young master si ma'am Vetarie?" tanong ng isang katulong at nagkibit balikat lamang si Choi, pero nananalangin siya na sana nga ay tumahan na ito dahil parang dinudurog kanina ang kanyang puso na makita itong umiiyak.

Hanggang sa laking gulat na lang nila nang biglang bumukas ang pinto at ang lahat sa kanila ay umayos nang tayo.

"Butler Choi," seryosong tawag ni Hanlu at saka pinagmasdan niya ang mga tao sa paligid na tila pawis na pawis at saka magugulo ang suot.

"Y-yes, young master," utal na sabog ni Choi, dahil na rin sa pagkagulat niya.

"Prepare something for me. Bring it here."

Mabi