CHAPTER 34

“KAILAN KA ba magtitino, Dean?” Isang malakas na sampal ang dumapo sa mukha nito, galit na galit ang ama niyang si Tony nang makarating dito ang balita tungkol sa pagkakasangkot niya sa droga.

“Fake news ‘yan Dad,” aniya habang sapo ang mukhang dinapuan ng malakas na sampal nito. Matagal na siyang nagpapasensya sa ama. Kung hindi nga lamang dahil sa mamanahin niya sa mga negosyo nito, baka nanlaban na siyang matagal na.

Oo nga at anak lamang siya sa labas ng kanyang ama. Ngunit may karapatan pa rin siya sa lahat ng pag-aari nito bilang nag-iisang anak na lalaki nito. Kaya ng aba kahit na anak siya sa labas ay ramdam pa rin niya ang pagmamalasakit nito sa kanya dahil siya ang magdadala ng apelyidong Chua sa kanilang pamilya.

Ang kanyang ama ay pinsang buo ng tatay ni Matt at bagama’t maliit lamang ang share nito sa Sy Holdings Corporation ay malawak naman ang mga lupaing pag-aari nito, hindi lamang sa Pilipinas kundi sa Australia at sa Malaysia.