CHAPTER 35

MULING BINIHISAN NI ALYSSON SI NATALIA. Isang off shoulder green dress ang ipinasuot nito sa kanya at tinernuhan lang ng simpleng bracelet at manipis na necklace saka dangling earrings na nagkakahalaga raw ng mahigit sampong million ang mga diamante. Simpleng simple lang ang bihis niya ngunit alam niyang mamahalin ang lahat ng iyon. Manipis na make up lamang ang inilagay nito sa kanya. Itinaas nito ang kanyang buhok kaya lalong lumutang ang maliit niyang mukha.

Ang kanyang mga mata ang isa sa pinaka-assets niya. Ang sabi ng Mamang niya nuon, minsan raw ay nagkukulay berde ang kanyang mga mata, bagay na minana niya dito dahil may lahi itong British. Ang ina ng kanyang Mamang ay British. Sabi nga ng Papang niya, nakuha niyang lahat ang mga magagandang katangian ng Mamang niya kung kaya’t kahit saan siya magpunta ay makatawag pansin talaga ang kanyang kagandahan.

Isang Lobuotin pump na nude ang ipinasuot nitong sapatos sa kanya.

“Para kang si Gr