Chapter Six

PAGSAPIT nang umaga ay inis na inis si Joanna kay Marvin habang nakasakay ito sa taxi papunta sa mall na sinabi ni Marvin na pagkikitaan nila. Hindi maiwasan ni Joanna na mapikon sa lalaki dahil talagang hindi siya nito sinabay sa pag-alis gayong iisang lugar lang ang pupuntahan nila.

“Okay lang Joanna, atleast kahit papaano nagbigay ng pamasahe ang damuho na ‘yun kahit parang napilitan lang. Habaan mo ang pasensya mo dahil tutulungan ka niyang makabawi kay Gin kahit parang labag sa kalooban ng hudyong panget ang ugali. Panget man ang mukha ko mas panget naman ang ugali niya, at hindi nareretoke ‘yun.”inis na ani ni Joanna habang kausap niya ang kaniyang sarili.

“Ms. okay ka lang ba?” usisang tanong ng taxi driver na agad ikinalingon ni Joanna dito.

“A-ah o-opo, hobby ko po talagang kausapin ang sarili ko.”ngiwing ngiting sagot ni Joanna sa taxi driver.

“Hija, pasensya na sa itatanong ko, pero anong nangyari sa mukha mo? Bakit parang nasunog ‘yan?”tanong ng driver na ikinahawak ni Jo