Chapter 3

Pakiramdam ni Kara ay binibiyak ang kanyang ulo. Nang imulat niya ang kanyang mga mata tumambad ang hindi pamilyar na kisame. Iginala niya ang kanyang paningin at nakumpirma niyang hindi niya silid iyon. Nanlaki ang mga mata niya nang mapansing wala siyang suot na damit at comforter lamang ang nagsisilbing pantakip niya sa kanyang katawan. Napalingon siya sa kanyang kaliwa at halos mapalundag siya nang makitang may katabi siyang lalaki, medyo makapal ang kilay nito, maputi, matangos ang ilong at katamtaman ang kapal ng mga labi. Sanay siyang makatrabaho at may makilalang mga guwapo at mayayamang lalaki tulad ng kanyang ex-boyfriend ngunit maging si Victor ay walang panama sa lalaking mahimbing na natutulog sa tabi niya ngayon.

Napansin niyang iisang comforter lamang ang gamit nila kaya dahan-dahang iniangat ni Kara ang kumot upang makumpirma ang kanyang kinatatakutan. Napatakip siya sa kanyang bibig upang pigilan ang sarili na mapahiyaw nang makita niya ang hubad na katawan ng lalaki.

Maingat niyang iniangat ang comforter at saka mabilis na dinampot ang bestida at underwear niya sa sahig. Nang makapagbihis ay kumuha siya ng $100 sa kanyang wallet at iniwan sa side table bago dinampot ang kanyang stilletos at saka nag tiptoe palabas ng silid.

Nakita niya ang elevator at agad siyang pumasok doon bago pa magising ang lalaki sa kuwarto na sa tingin niya ay isang escort.

Sa sobrang sama ng loob ni Kara kagabi sa nalamang napipintong pagpapakasal ni Victor sa kanyang bestfriend ay nagmaneho siya paikot sa downtown hanggang sa nagpasya siyang pumasok sa isang bar at uminom doon.

Alam niyang marami siyang nainom na margarita ngunit kahit anong isip niya para balikan ang pangyayari ay hindi niya maalala kung paano niyang nakasama ang lalaki kanina sa hotel.

Pagdating niya ng bahay ay nasa lanai ang ama habang nagbabasa ng libro. Maingat siyang naglakad upang huwag gumawa ng ingay. Nang makaakyat siya sa hagdan at nakapasok sa kanyang kuwarto ay doon lamang siya nakahinga ng maluwag.

“Where have you been?”

 “Aunt Liv! What are you doing inside my room?” sabi ni Kara habang hawak ang kanyang dibdib dahil sa pagkagulat.

“Your father has been looking for you since breakfast and I have been making up excuses for you telling him that you woke up early and left already,” sagot ng nakatatandang kapatid ng ama ni Kara.

“L-leah and I went out last night and I slept in her apartment,” pagsisinungaling ni Kara.

Tumango ang matanda kaya nabawasan ang kaba niya dahil mukha namang naniwala ito. Lumakad ito patungong pinto ngunit muling lumingon pagkahawak sa doorknob. “Rest first, you and your father will meet the De Guzmans tonight.”

Napakunot ang noo ni Kara at saka niya naalala na ngayon nga pala ipakikilala sa kanya ang mapapangasawa.

Lumabas na ng silid ang kanyang tiyahin kaya ini-lock ni Kara ang pinto at saka nagtungo sa banyo. Binuksan niya ang faucet at pinuno ng tubig na may katamtamang init ang bathtub. Nang mailubog niya ang kanyang masakit na katawan ay napapikit siya. Naalala niya ang guwapong mukha ng lalaki at paglapat ng labi nito sa kanyang labi.

Idinilat niya ang kanyang mga mata ngunit parang nakikita pa rin niya ang tila nangungusap na mga mata ng lalaki. Napapikit siya at naalala ang itim at malambot na buhok ng lalaki na ilang ulit niyang nasabunutan habang…

Napabangon si Kara sa bathtub at saka napatingin sa kanyang pagkababae.

“Did I just give away my virginity to a call boy?” Napahawak siya sa kanyang noo nang maisip ang naging resulta ng minsang pagpapabaya.

Napabuntong hininga si Kara at tinapos na lamang ang paliligo. Matapos magpatuyo ng buhok ay nagbihis siya ng kanyang pantulog. Nang mailapat niya sa kama ang kanyang katawan ay mabilis siyang nakatulog.

“Kara, be ready by six,” pasigaw na sabi ni Liv matapos kumatok sa pinto.

Kahit gusto pang matulog ni Kara ay napilitan na siyang sumagot. “Got it!”

Isang itim na SUV ang sumundo kina Reginald at Kara pagsapit ng alas sais at dinala sila sa sikat na Filipino Restaurant sa downtown Palo Alto. Sinalubong din sila ng usherette at inihatid sa isang function room.

Napahintong maglakad si Kara nang maisip na baka pangit o kaya naman ay baldado ang kanyang mapapangasawa kaya pera na lamang ang magagamit ng mga magulang nito para may mapangasawang maganda ang kanilang anak.

Naisip niya na buti na lamang at guwapo ang lalaking naka-una sa kanya kahit pa binayaran niya lamang iyon. Pinawalan muna niya ang isang malalim na hininga bago pinihit ang pinto ng function room.

Pagpasok niya ay agad napukaw ang kanyang pansin sa lalaking nakatayo sa kanang bahagi ng mag-asawang hindi nalalayo ang edad sa kanyang ama. Halos panawan siya ng ulirat nang makumpirmang ang lalaking nakatayo sa kanilang harapan ay ang kanina pa gumugulo sa kaniyang isipan. Hindi nakatingin sa kanya ang lalaki dahil seryoso itong nakaharap sa kanyang ama. Napalunok si Kara dahil hindi maikakaila na mas lalo pang gumwapo ang lalaki sa suot nitong dark blue na polo long sleeves at dress pants.

Nahinto ang pagtitig niya sa lalaki nang marinig niyang tinawag ng kanyang ama ang kanyang pangalan.

“Kara, I said say hello to Roger and Mitch De Guzman,” pagtawag ni Reginald ng pansin ng anak.

Agad na nilingon ni Kara ang mag-asawa sa kanyang harapan at magalang na bumati.

Isang matamis na ngiti ang pinawalan ni Mrs. De Guzman. “You’re so beautiful, Kara. You look like your mom!”

Napangiti si Kara sa mainit na pagbati sa kanya ng babae lalo na at nabanggit pa nito ang kanyang namayapang ina.

“Thank you, Mrs. De Guzman,” magalang niyang sagot at saka humawak sa upuan upang pigilan ang sarili na tumakbo palabas ng pinto.

Masayang bumaling sa kanyang kanan si Mrs. De Guzman at saka ipinakilala kay Kara ang katabing lalaki. “This is my son, Marco.”

Kahit alanganin ay pilit niyang pinangiti ang kanyang mga labi na mabilis ding nawala nang makita niyang mula ulo hanggang paa siya tinitingnan ng lalaki na para bang sinusuri ang kanyang pagkatao.