Chapter 7

“Ha?”

Agad akong umiling. “S-sa Happy House na lang. I think may bakante pa, inaya ako ng receptionist kanina doon. Mag c-check in na lang ako.”

Ang problema ko ay kung anong gagamitin kong pera pang check in? E, ang mayroon ako dito ay 'yong perang ibinigay ni Nero kagabi. Sinumpa ko pa naman sa sarili kong hindi ko 'yon gagamitin at isasampal ko 'yon sa mukha niya pagkabalik ko.

“Euge, balik na ako sa Happy House.”

Hindi ako agad na nasagot ni Rosalyn dahil biglang pumasok si Alonzo at nagsalita. Napunta sa kanya ang lahat ng atensyon namin.

“Ah! Alonzo, ayos lang sa 'yong may makasama sa iisang bahay 'di ba? Itong si Mitsy kasi ay dito sa lugar muna natin pansamantalang titira—”

“Naku, Ros!” pigil ko pa sana kay Rosalyn pero nilingon niya ako't agad na inilingan.

“Hindi ako papayag na maiwan kang mag isa, Mitsy. Baka kung ano pang gawin mo. Mas mabuti na rin 'yong kasama mo si Alonzo. Huwag kang mag alala, mabait naman 'yan. Ayos lang sa iyo 'di ba, Alonzo?”

Nilingon ko si Alonzo.