Chapter 16: Visiting Her Second Home In The Past

AMARRA'S POV

Pagkatapos kong magligpit at ayusin ang pinagkainan namin ni Kallen ay kaagad kong tinawagan si Mang Rudy. Nakalimutan ko pa lang itanong sa asawa ko kung papayag ba siyang kunin ko si Mang Rudy bilang personal driver. Paglabas ko sa malaking bahay ni Kallen ay nakita ko kaagad ang nakaparadang taxi ng matandang lalaki.

"Good morning po Ma'aam Amarra," magalang na pagbati ng matanda. Paglabas na paglabas ko sa gate ay lumabas na kaagad sa kanyang sasakyan si Mang Rudy at ipinagbukas ako ng pintuan ng sasakyan.

"Good morning," nakangiting bati ko naman sa kanya noong nakaupo na ako sa loob.

"Saan po tayo Ma'am?"

"Sa Capital's International High School,"

Doon ako nag-aral ng High School. Ganoon din ang mga anak ng dati kong mga magulang. Salamat sa matataas kong grades, hindi pumayag ang mga guro ko sa paaralan na i-transfer ako. Madalas akong ilaban noon sa mga competition at palgi akong nag-uuwi ng mga parangal. Kaya kahit na anong gawin na kalokohan noon ni Krystal, wala