Chapter 8

Dalawang linggo na ang lumipas mula nang ikasal sila. Tuloy pa rin ang pagpapanggap ni Camilang maging mabuting maybahay at pakisamahan ang asawang madalas gabi na umuwi at animo'y binata kung kumilos. Naging matigas ang puso nito mula ng huling encounter nila pero may mga pagkakataong pinagkakatuwaan siya nito.

Sabado, maagang nagising si Camila para maghanda ng makakain nila pero mag-aalas-otso na nang umaga ay mahimbing pa rin ang tulog ng kan'yang asawa. 

Sa pagkabagot ay minabuti niya na lang na libutin ang kabuuan ng kanilang bahay. Sa likod nito'y  mayroong malawak na espasyong maaring gawing hardin. Ginala niya ang sarili sa kabuuan nito hanggang sa matigilan siya sa harap ng payat na punong sa tantiya niya ay ilang buwang tanim pa lamang. Sumilay ang ngiti sa labi niya dahil sa ideya at imaheng pumasok sa isip. Kung aayusin at dadagdagan niya ng mga tanim ang espasyong ito ay tiyak na gaganda ito. Sumilay ang ngiti sa labi niya sapagkat mayroon na si