Chapter 300

Xyrica’s POV:

Hindi pa nga nagtatapos ang araw ay nagdesisyon si Joy na umuwi muna sa bahay ni Spencer. At doon muna siya mananatili hangga’t hindi pa raw natatapos ang problema tungkol kay dean Steinfeld. Nahiya siguro si Joy na magpaalam sa amin kasi si Spencer lang nanatili para kausapin kami tungkol sa desisyon ni Joy. Kaagad naman kaming pumayag para mabigyan din siya ng oras para isipin ‘yung sarili niya.

Pagkatapos umuwi nina Spencer at Joy ay nagpaalam na rin ako sa mga kaibigan ko upang makapagpahinga. Masyado kasing magulo ang nangyari ngayon dahil lang sa mga susi… ni hindi nga binawi ni Joy ‘yung susi niya.

“How can I change everything?” Tanong ko sa sarili ko matapos humiga sa kama. Hindi ko mapigilang isipin ang nag-iisang tinik sa buhay namin ni nurse Dawn… si dean Lucas Steinfeld. Hanggang kailan niya kaya kami gagambalain ng pamilya ko?

Ipipikit ko na sana ‘yung mata ko, pero nakarinig ako ng katok sa pinto. Kaagad kong binuksan ang pinto at tumambad sa harapan ko si