Chapter 15.1

Inayos ko ang pagkakahawak sa patpat na nasa kamay ko. Ginamit ko iyon para itabi ang siyang mga dahon na nasa harapan at dinadaanan namin.

“Malayo pa ba, Helen? Agay, para na ’kong kinakayog dahil sa sakit ng pwet ko rito.”

Napahinto ako nang huminto si Lola Nelya na siyang inaalalayan ko sa paglalakad. Binitawan nito ang braso ko at humarap kila nanay Remy matapos ay namay-awang. “H’wag ka ngang mareklamo riyan! Para namang hindi ka pa nakarating sa dulo nito. Isa pa’t hindi ka naman naglalakad gaya namin, susko ka!”

Nahuli ko ang mga mata ni Freed. Nasa hindi kalayuan ang tayo niya sa amin. Hindi ko mapigilang matawa nang mapapikit siya dahil sa kakulitan nang buhat niyang si Nanay Remy.

“Nay, baka mahulog ka!” saway niya sa matanda na hinampas lamang naman siya sa balikat.

“Tama na nga iyang pagtatalo ninyo! Narito na tayo, hindi mo na kailangan pang magreklamo Remy!” hiyaw ni Lola Helen na siya namang nangunguna sa paglalakad sa amin.

Bale apat kasi ang mga kasama naming ma