Chapter 17

     MATALIM ang mga mata ni Anton habang pinaglalaruan ng daliri niya ang susi ng sasakyan niya at ang isang kamay niya ay nakahawak sa cellphone niya na nasa tenga habang may kausap sa kabilang linya.

"Ibig mong sabihin ay mayroong anak si Damon sa dati niyang nobya?" Tumango-tango siya habang nakangising demonyo. "Thank you for your information. Magagamit ko rin iyan balang araw." Humalakhak na siya this time. "Sige. Paikutin mo lang ang ulo niyang babae mo, sabihin mo sa kaniya na galingan ang pag-arte para mas maniwala ang Monteverde na iyon. Ako na ang bahala sa anak ni Damon,"

Matapos niyang kausapin ang nasa kabilang linya ay ibinaba na ni Anton ang cellphone saka ngingisi-ngising sumimsim ng alak sa hawak na champagne glass.

Maya-maya ay tumunog naman ang cellphone ni Anton, ang tauhan naman niya ang tumatawag. "Balita?"

"Boss Anton, good news, nakakuha na ako ng invitation card para sa anniversary party ng Sapphire J-well," sabi n