Chapter 40

"Tangina! Tangina talaga ng lalaki na 'yon. Sinasabi ko na nga ba't may mali sa kanya!" Pagsalita ni Raul habang pabalik siya sa lodging. Sinisipa-sipa niya pa ang mga bato na kanyang nadadaanan.

Hindi siya makapaniwala sa narinig niya galing kay Theodore.

"May asawa na pala siya't lahat-lahat, bakit niya pa kinuha si Gaia?! Tangina niya!"

Kahit na nakaisang sipa siya roon sa lalaki ay masama pa rin ang timpla ng kanyang mukha ng makarating sa lodging. Naabutan niya ang mag-ama na naglalaro habang pinapakain ni Stelo si Gaida ng biskwit na para sa bata.

Agad na napansin ni Stelo kaya pinuna niya ito. "Anong nangyari sayo? Bakit ganyan ang mukha mo? Para kang aburido!"

"Bakit hindi?! Nalaman ko lang naman na may asawa na pala ang Theodore na iyon at nasa kanya pa si Gaia!"

Halos mabitawan ni Stelo ang kanyang hawak na pagkain dahil sa ibinalita ng kaibigan. Si Gaida ay kuryoso naman na tumingin lamang sa kanyang ama at tiyo, pero may ngiti pa rin sa kanyang mga labi.

"Ano?! Saan mo